مری میں نجی ہوٹل کی چیکنگ کے دوران پنجاب فوڈ اتھارٹی کی ٹیم پر حملہ

مری میں نجی ہوٹل کی چیکنگ کے دوران پنجاب فوڈ اتھارٹی پر ہوٹل انتظامیہ نے اپنے غنڈے چھوڑ دیے، مار دھاڑ کے ساتھ فوڈ اتھارٹی کے عملے کو یرغمال بھی بنالیا۔

پنجاب فوڈ اتھارٹی کے مطابق راجہ اشفاق سرور کے ہوٹل کو گندگی پر سیل کیا جا رہا تھا کہ ان کے عملے پر دھاوا بول دیا گیا۔

ترجمان پنجاب فوڈ اتھارٹی کے مطابق ڈی جی فوڈ اتھارٹی نورالامین مینگل کی سربراہی میں چیکنگ کرنے والی ٹیم پر حملہ کیا گیا، جو مال روڈ پر فوڈ پوائنٹس کی چیکنگ کررہے تھے۔

سیاحوں کیلئے خوشخبری، مری مال روڈ پر ڈولفن فورس تعینات کردی گئی

کسی بھی شکایت کی صورت میں ڈولفن فورس فوری کارروائی کرے گی، دیگر پکنک پوائنٹس پر پنجاب پولیس کے اہلکار فرائض سر انجام دیں گے، اے ایس پی مری

ترجمان کے مطابق حملہ اس وقت کیا گیا جب ڈی جی فوڈ اتھارٹی ایک سابق وزیر راجہ اشفاق سرور کے ہوٹل کو چیک کر رہے تھے۔

پنجاب فوڈ اتھارٹی کے مطابق راجہ اشفاق سرور کے ہوٹل کو گندگی پرسیل کیا جانا تھا کہ دھاوابول دیا گیا اور ڈی جی فوڈ اتھارٹی سمیت ٹیم کے دیگر ارکان کو ہوٹل کے اندر یرغمال بنایا گیا۔

مری میں سیاحوں کے ساتھ تلخ کلامی کے واقعات میں اضافہ

سوشل میڈیا پر مری کے بائیکاٹ کی مہم چل پڑی، مقامی انتظامیہ کے کردار پر سوالیہ نشان

ترجمان کے مطابق فوڈ اتھارٹی کی ٹیم کے ساتھ ہاتھا پائی بھی کی گئی۔

اس حوالے سے ترجمان راولپنڈٰ پولیس کا کہنا ہے کہ ایس ایچ او مری نفری کے ہمراہ موقع پر موجود ہیں اور درخواست موصول ہونے کے بعد قانون کے مطابق کارروائی کی جائے گی۔