مزار پر سجدہ نہیں کیا، عقیدت کی وجہ سے بوسہ دیا، عمران خان

لاہور میں داتا دربار پر حاضری کے حوالے سے عمران خان کا کہنا ہے کہ بابا فرید شکر گنج کے مزار پر سجدہ نہیں کیا بلکہ ان کی عقیدت کی وجہ سے بوسہ دیا۔

ان کا کہنا تھا کہ سجدہ صرف اللہ تعالیٰ کے لیے ہوتا ہے، مجھے ایک طرف طالبان خان اور دوسری طرف کافر کہا جا رہا ہے، عقیدت سے بوسہ دینے پر بھی کافر کہا جا رہا ہے۔

عمران خان کا کہنا تھا کہ کیوں الیکشن کے وقت پر سیتا وائٹ کا معاملہ سامنے آ جاتا ہے، یہ لوگ ثابت کیا کرنا چاہتے ہیں کہ میں فرشتہ ہوں، میں نے 30 سال میں اپنے آپ کو تبدیل کرنے کی کوشش کی۔

پاکستان کی تقدیر کا فیصلہ 25 جولائی کو ہو گا، عمران خان

پاکستان تحریک انصاف کے چیئرمین عمران خان کا کہنا ہے کہ پاکستان کی تقدیر کا فیصلہ 25 جولائی کو ہو گا۔

عمران خان کی اہلیہ کے ہمراہ پاکپتن میں درگاہ بابا فرید پر حاضری

عمران خان کی اہلیہ بشریٰ بی بی نے بہشتی دروازے کے سامنے پھول بچھائے جبکہ عمران خان نے درگاہ میں تبرکات تقسیم کیے اور فاتحہ خوانی کی۔

عمران خان کا قومی اسمبلی کے حلقہ این اے 131 کے ورکرز سے خطاب کرتے ہوئے کہنا تھا کہ انتخابات میں لاہور پنجاب اور پنجاب پورے پاکستان کا فیصلہ کرے گا۔

ان کا کہنا تھا کہ مقابلے کے لیے کسی بھی پارٹی کو کمزور نہیں سمجھنا چاہیے، این اے 131 میں زبردست مقابلہ ہو گا اور یہاں سے ہم نے سارے لاہور کی مہم کو اٹھانا ہے، ولید اقبال این اے 131 کی انتخابی مہم چلائیں گے۔

عمران خان آجاؤ تمہارا انتظار کر رہے ہیں، سعد رفیق کا چیلنج

لاہور میں قومی اسمبلی کے حلقہ 131 سے سعد رفیق اور عمران خان آمنے سامنے ہیں، سابق وزیر ریلوے نے جلسے سے خطاب میں عمران خان کو آڑے ہاتھوں لیا

انہوں نے کہا کہ بڑے بڑے نام اب پی ٹی آئی میں شامل ہو رہےہیں، انتخابات میں مفادات کی سیاست کرنے والوں کو شکست ہو گی۔

چیئرمین تحریک انصاف نے کہا کہ ہمارا مقابلہ اس جماعت کے ساتھ ہے جو 30 سال سے پنجے گاڑھ کر بیٹھی ہے۔

انہوں نے کہا کہ اربوں روپیہ باہر لے کر جانے والوں کے خلاف آخری گیند تک مقابلہ کرنا ہے۔

خیال رہے کہ لاہور سے قومی اسمبلی کے حلقہ این اے 131 پر عمران خان کا مقابلہ مسلم لیگ ن کے رہنما اور سابق وزیر ریلوے خواجہ سعد رفیق کے ساتھ ہو گا۔