Can't connect right now! retry

پاکستان
04 جولائی ، 2018

بھارتی اسپتال میں دل کی سرجری کے بعد انتقال کرجانے والی 7 سالہ زینب سپرد خاک

7 سالہ زینب گزشتہ روز بھارتی شہر لدھیانہ کے اسپتال میں انتقال کر گئی تھی—۔ جیو نیوز اسکرین گریب

فیصل آباد: بھارتی اسپتال میں دل کی سرجری کے بعد انتقال کرنے والی 7 سالہ زینب کو نماز جنازہ کے بعد سپرد خاک کردیا گیا۔

زینب کی تدفین مقامی قبرستان چوہڑ ماجرہ میں کی گئی—۔ جیو نیوز اسکرین گریب

زینب کی تدفین فیصل آباد کے مقامی قبرستان چوہڑ ماجرہ میں کی گئی۔

 کمسن زینب کے دل میں 3 سوراخ تھے اور اس کے دل کا بایاں حصہ بھی کام نہیں کر رہا تھا، پاکستان میں علاج ممکن نہ ہونے کے باعث بچی کے والد اسے سرجری کے لیے بھارتی شہر لدھیانہ لے گئے تھے، جہاں گزشتہ روز وہ انتقال کر گئی تھی۔

زینب کے والد کو اپنی بیٹی کی میت پاکستان واپس لانے میں مشکلات کا سامنا کرنا پڑا تھا،  انہوں نے اپنے ایک ویڈیو پیغام میں الزام عائد کیا تھا کہ سفری دستاویزات کے لیے پولیس کبھی ایک دفتر تو کبھی دوسرے دفترکے چکر لگوا رہی ہے۔

اپنے پیغام میں انہوں نے بیٹی کی میت واپس لانے کے لیے پاکستانی ہائی کمیشن سے مدد کی بھی اپیل کی تھی۔

جس کے بعد ترجمان دفتر خارجہ ڈاکٹر فیصل نے زینب کی میت وطن واپس لانے کی یقین دہانی کرائی تھی اور گزشتہ رات بچی کی میت پاکستان پہنچا دی گئی تھی۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM