09 جولائی ، 2018 
کھیل
تین ملکی سیریز میں فخر زمان نے 278 رنز بنائے—اے ایف پی۔
فخر زمان ٹی ٹوئنٹی میں سال میں 500 رنز بنانے والے پہلے پاکستانی بن گئے
09 جولائی ، 2018
تین ملکی سیریز کے فائنل میں 91 رنز کی شاندار اننگز کھیلنے والے جارح مزاج اوپنر فخر زمان سال میں 500 ٹی ٹوئنٹی رنز بنانے والے پہلے پاکستانی بن گئے۔
آسٹریلیا کیخلاف سہ فریقی سیریز کے فائنل میں فخر زمان نے 12 چوکے اور 3 چھکے لگائے اور سال میں 500 کا سنگ میل بھی عبور کیا۔
سال 2018 میں بھی وہ اس فارمیٹ کے ٹاپ اسکورر ہیں جبکہ ایک سال میں 500 رنز بنانے والے پہلے پاکستانی اور مجموعی طور پر وہ تیسرے کھلاڑی ہیں۔
ویرات کوہلی نے 2010 میں 641 رنز بنائے تھے جو ایک ریکارڈ ہے، اس ریکارڈ کو توڑنے کے لیے فخر زمان کو مزید 125 رنز درکار ہیں۔
تین ملکی سیریز میں فخر زمان نے 278 رنز بنائے ہیں، جو کسی بھی ٹورنامنٹ میں ایک پاکستانی کا سب سے زیادہ اسکور ہے۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
