عمران خان نے اس بار بھی مدینہ منورہ کی سرزمین پر جوتے اتار کر قدم رکھے

وزیر اعظم عمران خان عہدہ سنبھالنے کے بعد اپنے پہلے غیر ملکی دورے پر سعودی عرب پہنچ چکے ہیں۔

عمران خان وفد کے ہمراہ خصوصی طیارے پر سعودی عرب گئے ہیں حالانکہ اس سے پہلے وزیر اطلاعات فواد چوہدری کہہ چکے ہیں کہ وزیر اعظم بیرون ملک سفر کیلئے نجی طیارہ استعمال نہیں کریں گے۔

گزشتہ دنوں وزیر اعظم کراچی بھی اپنے خصوصی طیارے میں ہی آئے تھے۔

نبی ﷺ کے احترام میں مدینہ منورہ بغیر جوتوں کے آیا، عمران خان

عمران خان کی طیارے سے ننگے پاؤں اترنے کی ویڈیو سوشل میڈیا پر بہت تیزی سے وائرل ہوئی تھی

عمران خان دورہ سعودی عرب کے سلسلے میں پہلے مدینہ منورہ پہنچے  اور پچھلی بار کی طرح اس مرتبہ بھی عمران خان نے مدینہ منورہ کی سرزمین پر جوتے اتار کر قدم رکھے۔

پی ٹی آئی کی جانب سے جاری تصاویر میں دیکھا جاسکتا ہے کہ عمران خان نے صرف موزے پہن رکھے ہیں جبکہ ان کے ساتھ موجود شاہ محمود قریشی اور دیگر سعودی حکام نے جوتے پہنے ہوئے ہیں۔

عمران خان عمرہ ادائیگی کے بعد اسلام آباد پہنچ گئے

علیم خان، زلفی بخاری، عون چوہدری بھی عمران خان کے ہمراہ ہیں، ذرائع

مدینہ پہنچنے پر گورنر مدینہ شہزادہ فیصل بن سلمان نے وزیراعظم عمران خان کااستقبال کیا، وزیر اعظم نے وفد کےہمراہ روضئہ رسول پرحاضری دی، نوافل اورنمازمغرب ادا کرکے جدہ روانہ ہوگئے۔

پی ٹی آئی کے سوشل میڈیا پیج پر جاری پیغام کے مطابق وزیر اعظم عمران خان کا مدینہ منورہ کی پاک سرزمین میں تاریخی استقبال کیا گیا۔ وزیر اعظم عمران خان اور ان کے وفد کی مدینہ منورہ میں روضہ رسول کی زیارت، وفد کے لیے روضہ رسول صلی اللہ علیہ وسلم کے دروازے خصوصی طور پر کھولے گئے۔

مزار پر سجدہ نہیں کیا، عقیدت کی وجہ سے بوسہ دیا، عمران خان

سجدہ صرف اللہ تعالیٰ کے لیے ہوتا ہے، مجھے ایک طرف طالبان خان اور دوسری طرف کافر کہا جا رہا ہے، عقیدت سے بوسہ دینے پر بھی کافر کہا جا رہا ہے، چیئرمین پی ٹی آئی

خیال رہے کہ رواں برس جون میں بھی عمران خان عمرے کی ادائیگی کے لیے خصوصی طیارے سے مدینہ منورہ ایئرپورٹ پر اترے تو وہ ننگے پاؤں تھے۔

عمران خان کے ہمراہ ان کی اہلیہ بشریٰ مانیکا اور قریبی دوست زلفی بخاری بھی عمرے کی ادائیگی کے لیے سعودی عرب گئے تھے۔