بھارتی مہم جوئی کا منہ توڑ جواب دیں گے، شہباز شریف

پاکستان مسلم لیگ ن کے صدر شہباز شریف نے بھارتی آرمی چیف کے بیان پر ردعمل ظاہر کرتے ہوئے کہا ہے کہ بھارتی آرمی چیف کو دھمکی دینے سے پہلے ماہ ستمبر کی تاریخ یاد کرلینی چاہیے تھی۔

شہباز شریف نے مزید کہا کہ پاکستان ہماری دھرتی ماں ہے، کوئی غلط فہمی میں نہ رہے، ماں دھرتی کی عزت، وقار، تحفظ، دفاع اور سلامتی کیلئے فوج اورعوام ایک ہیں۔

بھارتی آرمی چیف کی پاکستان کو گیڈر بھپکیاں

بھارتی جنرل راوت نے مزید اقدامات کرنے کی بڑھک ماردی اور کہا کہ ہم اپنی اگلی کارروائی کی تفصیلات بتا نہیں سکتے، بھارتی فوج کی کارروائی میں ہمیشہ سرپرائزہوتا ہے

انہوں نے کہا کہ پاک فوج دفاع وطن کے مقدس فرض کی بجا آوری کے لیے ہمہ وقت تیار ہے، بھارتی مہم جوئی کا منہ توڑ جواب دیں گے، پاک فوج سے بدلہ لینے کی بات کرنے والے جان لیں کہ ہر پاکستانی فوج کا سپاہی ہے۔

شہباز شریف نے کہا کہ بھارتی غیرذمہ داری جنوبی ایشیا میں امن اور خطے میں ترقی کی دشمن ہے، بھارتی فوج اپنے جنگی جنون کو لگام دے، خطے کو بےامنی کی بھینٹ نہ چڑھائے۔

انہوں نے کہا کہ کسی بھی بھارتی مہم جوئی پر پوری قوم اپنی شیردلیر بہادر مسلح افواج کے شانہ بشانہ کھڑی ہوگی۔

پاکستان ایٹمی قوت اور جنگ کے لیے تیار ہے، ترجمان پاک فوج

پاکستان کی آج بھی آفر ہے کہ مذاکرات کی میز پر بیٹھ کر بات کریں، بھارت داخلی دباؤ میں آکر کوئی ایسی حرکت نہ کرے جس کا نقصان خود اسے بھی ہو اور خطے کو بھی،امن کی خواہش کو کمزوری نہ سمجھا جائے: ڈی جی آئی ایس پی آر

خیال رہے کہ بھارتی آرمی چیف بپن راوت نے پاکستان کو گیدڑ بھبکی دیتے ہوئے کہا ہے کہ پاکستان وہی کررہا ہے جو کرتا آیا ہے، پاکستان کو درد محسوس کرانےکا وقت آگیا۔

بھارتی جنرل راوت نے مزید اقدامات کرنے کی بڑھک بھی ماردی اور کہا کہ ہم اپنی اگلی کارروائی کی تفصیلات بتا نہیں سکتے، بھارتی فوج کی کارروائی میں ہمیشہ سرپرائز ہوتا ہے۔