17 اکتوبر ، 2018 
امام کے ان فٹ ہونے کی وجہ سے ٹیسٹ میں ڈیبیو کا موقع ملا، فخر زمان
17 اکتوبر ، 2018
پاکستان کرکٹ میں ایسی چیزیں ہو جاتی ہیں جنہیں لوگ غیر یقینی سے تعبیر کرتے ہیں،کچھ ایسا ہی ابوظہبی ٹیسٹ کی دونوں اننگز میں نصف سنچریاں بنانے والے فخر زمان کیساتھ بھی ہوا۔
فخر زمان کا کہنا ہے دبئی ٹیسٹ کے بعد مجھے اور عثمان صلاح الدین کو واپس پاکستان بھیجنے کا فیصلہ کر لیا گیا تھا تاکہ ہم پاکستان جا کر ڈومیسٹک کرکٹ کھیلیں۔
انہوں نے مزید بتایا کہ دبئی ٹیسٹ کے آخری روز امام الحق کی انگلی میں فریکچر ہو گیا اور مجھے ٹیسٹ ڈیبیو کا موقع مل گیا۔
پہلی اننگز میں 57 رنز پر پانچ وکٹیں گرنے کے بعد سرفراز کے ساتھ ہونے والی گفتگو کے حوالے سے فخر زمان نے کہا کہ ہم دونوں کے درمیان یہی طے ہوا تھا کہ بس وکٹ پر رک کر کھیلنا ہے لیکن کپتان نے بہت اعتماد بڑھایا اور ہماری بیٹنگ ٹیم کے کام آئی جس کی بڑی خوشی ہے۔
ٹیسٹ اسکواڈ میں شامل کئے جانے کے سوال پر بائیں ہاتھ کے بلے باز کا کہنا تھا کہ اس کا کریڈٹ کوچ مکی آرتھر کو جاتا ہے جو اس سال آئر لینڈ اور انگلینڈ مجھے اس سوچ کیساتھ لے کر گئے تھے کہ بس ہم نے آپ کو فی الحال ٹیم کے ساتھ رکھنا ہے تاکہ آپ ٹیسٹ کرکٹ کے لئے تیار ہو سکیں۔
ابوظہبی ٹیسٹ میں اپنی دونوں اننگز میں بیٹنگ کے سوال پر فخر کا کہنا تھاکہ بس مثبت سوچ کے ساتھ بیٹنگ کی اور اسی سوچ کے ساتھ ٹیسٹ اور ٹی 20 میں بیٹنگ کے لئے میدان میں کھیلنے جاتا ہوں۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
ریٹائرمنٹ یا طلاق! ویرات کوہلی کی پوسٹ پر مداح پریشان کیوں ہوئے؟
25 نومبر ، 2024
