23 اکتوبر ، 2018 
صحافی جمال خاشقجی کی باقیات سعودی قونصل جنرل کے گھر کے لان سے مل گئیں
23 اکتوبر ، 2018
برطانوی ٹی وی نے دعویٰ کیا ہے کہ ترکی میں سعودی قونصل خانے میں قتل ہونے والے صحافی جمال خاشقجی کی باقیات مل گئی ہیں۔
برطانوی ٹی وی کی رپورٹ کے مطابق ترکی کی روڈینا پارٹی کے رہنما داغو پیرینک نے دعویٰ کیا ہے کہ سعودی صحافی جمال خاشقجی کے جسمانی اعضاء ترکی کے شہر استنبول میں واقع سعودی قونصل جنرل محمد العتیبی کے گھر کے باغ میں واقعہ کنویں سے مل گئے ہیں۔
ایک دوسری رپورٹ میں دعویٰ کیا گیا ہے کہ جمال خاشقجی کے جسم کے اعضاء سعودی قونصلر جنرل کے گھر سے ملے ہیں۔
برطانوی اخبار کی رپورٹ میں دعویٰ کیا گیا ہے کہ جمال خاشقجی کے جسم کو کاٹا گیا ہے اور ان کا چہرہ مسخ کیا گیا ہے۔
قبل ازیں ترک صدر طیب اردوان نے پارلیمنٹ میں اظہار خیال کرتے ہوئے کہا تھا کہ سعودی صحافی جمال خاشقجی کے قتل کے حوالے سے تمام حقائق کو منظر عام پر لایا جائے گا۔
طیب اردوان کا کہنا تھا کہ سعودی عرب کی جانب سے پہلے جمال خاشقجی کے قتل کی تردید کی گئی لیکن اب سعودی بھی مان گئے ہیں۔
ترک صدر کا کہنا تھا کہ خاشقجی کے قتل کی منصوبہ بندی اور اس پر عمل کرنے والوں کے خلاف کارروائی پر ہی دنیا مطمئن ہو گی، سعودی حکام کو بھی اس قتل کے مںصوبہ سازوں کے نام ظاہر کرنے چاہئیں۔
مزید خبریں :
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
دبئی میں لاپتہ اسرائیلی مذہبی رہنما کی لاش مل گئی
24 نومبر ، 2024
اسرائیل نے لبنانی فوج کے اڈے کو نشانہ بنانے پر معافی مانگ لی
24 نومبر ، 2024
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
