سعودی عرب نے خاشقجی کے قتل پر پردہ ڈالنے کی بدترین کوشش کی، ٹرمپ

امریکی صدر ڈونلڈ ٹرمپ نے کہا ہے کہ سعودی عرب نے جمال خاشقجی کے قتل پر پردہ ڈالنےکی بدترین کوشش کی۔

ڈونلڈ ٹرمپ نے میڈیا سے بات کرتے ہوئے کہا کہ نا ہی سعودی صحافی کا قتل ہونا چاہیے تھا اور نا ہی اس واقعے کو چھپانا چاہیے تھا۔

ان کا کہنا تھا کہ انہوں نے سعودی ولی عہد محمد بن سلمان سے اس حوالے سے بات کی تھی اور ان کا کہنا تھا کہ جمال خاشقجی کے قتل میں ان کا کوئی ہاتھ نہیں ہے۔

امریکی صدر کا کہنا تھا کہ جمال خاشقجی کے قتل کے معاملے کو اتنے برے طریقے سے ہینڈل کرنے کا کسی نے سوچھا بھی نہیں تھا۔

جمال خاشقجی کا قتل سنگین غلطی تھی: سعودی عرب

جمال خاشقجی کے قتل میں سعودی ولی عہد شہزادہ محمد بن سلمان کا کوئی کردار نہیں، سعودی وزیر خارجہ عادل الجبیر

ان کا کہنا تھا کہ کسی نے اس معاملے کو بہت بری طرح الجھایا اور سعودی صحافی کے قتل کو چھپانے کی بدترین کوشش کی گئی۔

ڈونلڈ ٹرمپ کی جانب سے کسی بھی جمال خاشقجی کے قتل میں ملوث ہونے والے کسی بھی شخص کا نام نہیں لیا گیا تاہم امریکی وزیر خارجہ مائیک پومپیو کا کہنا ہے کہ واشنگٹن کو خدشہ ہے کہ جمال خاشقجی کے قتل میں سعودی حکومت اور انٹیلی جنس حکام ملوث ہیں۔

امریکی محکمہ خارجہ نے جمال خاشقجی کے قتل میں مبینہ طور پر ملوث ہونے والے 21 افراد کے ویزے منسوخ کر دیے ہیں اور ان پر پابندیاں لگانے پر بھی غور کیا جا رہا ہے۔

خاشقجی کے قتل میں ملوث افراد کے داخلے پر پابندی لگائیں گے، برطانوی وزیراعظم

برطانوی وزیراعظم تھریسامے کا کہنا ہے کہ سعودی صحافی جمال خاشقجی کے قتل سے متعلق تمام حقائق سامنے آنے ضروری ہیں۔

ان کا کہنا تھا کہ سعودی فرمانروا شاہ سلمان بن عبدالعزیز سے فون پر بات کر کے اس معاملے کو اٹھاؤں گی۔

سعودی عرب نے قونصل خانے میں صحافی جمال خاشقجی کے قتل کی تصدیق کردی

دو اکتوبر کو جب خاشقجی قونصل خانے آئے تووہاں موجود افراد سے ان کی لڑائی ہوئی جس کانتیجہ خاشقجی کی موت کی صورت میں نکلا، سعودی پراسیکیوٹر

تھریسامے کا کہنا تھا کہ قتل میں ملوث تمام افراد پر برطانیہ میں داخلے پر پابندی لگائیں گے، سیکریٹری داخلہ پابندی کے اقدامات کر رہے ہیں۔

برطانوی وزیراعظم نے کہا کہ جمال خاشقجی کے قتل میں ملوث مشتبہ افراد کے پاس اگر برطانوی ویزہ ہے تو وہ بھی منسوخ کر دیے جائیں گے۔

خیال رہے کہ سعودی صحافی جمال خاشقجی دو اکتوبر کو استنبول میں واقع سعودی قونصل خانے سے لاپتہ ہو گئے تھے۔

ترک پولیس کی جانب سے خدشہ ظاہر کیا گیا کہ جمال خاشقجی کو سعودی قونصلیٹ میں قتل کر دیا گیا ہے تاہم سعودی حکام کی جانب سے ایسی خبروں کی مکمل تردید کی گئی۔

سعودیہ نے خاشقجی کے قتل کا اعتراف کیا، الزام ایجنسیوں پر لگانے سے مطمئن نہیں: اردوان

قتل ہماری سرزمین پر ہوا اس لیے تحقیقات کی ذمہ داری بڑھ گئی ہے، واقعہ استنبول میں پیش آیا لہٰذا ملزمان کے خلاف مقدمہ استنبول میں ہی چلنا چاہیے: ترک صدر کا پارلیمنٹ میں بیان

بعد ازاں سعودی عرب کی جانب سے کہا گیا کہ جمال خاشقجی سعودی قونصلیٹ میں کچھ افراد کے ساتھ جھگڑے میں مارے گئے ہیں تاہم ترک صدر رجب طیب اردوان نے سعودی وضاحت کو ناقابل اعتبار قرار دیتے ہوئے کہا کہ جمال خاشقجی کے قتل کے تمام حقائق سامنے لائے جائیں گے۔

ترک صدر کا کہنا تھا کہ جمال خاشقجی کا قتل ترک زمین پر ہوا ہے اس لیے ملزمان کا ٹرائل بھی ترکی میں ہی ہونا چاہیے۔

دو روز قبل برطانوی ٹی وی کی جانب سے دعویٰ کیا گیا کہ مقتول سعودی صحافی کی باقیات سعودی قونصلر جنرل محمد العتیبی کے گھر کے گارڈن میں موجود کنویں سے مل گئی ہیں۔