نیب نے شہباز شریف کیخلاف آمدن سے زائد اثاثوں کی تحقیقات آغاز کردیا

لاہور: نیب نے شہباز شریف کے خلاف آمدن سے زائد اثاثوں کی تحقیقات آغاز کردیا۔

قومی احتساب بیورو (نیب) لاہور نے شہبازشریف کو آشیانہ اقبال ہاؤسنگ اسکیم میں گرفتار کیا اور وہ 20 روز سے نیب کی تحویل میں ہیں جس دوران احتساب عدالت ان کے جسمانی ریمانڈ میں دو مرتبہ توسیع کرچکی ہے۔

ترجمان نیب نے بتایا کہ آشیانہ اقبال ہاؤسنگ اسکیم کے بعد شہبازشریف سے دیگر کیسز پر بھی سوالات شروع کردیئے ہیں اور ان کے خلاف آمدن سے زائد اثاثوں کی تحقیقات کا آغاز کردیا گیا ہے۔

نیب ذرائع کا کہنا ہےکہ شہبازشریف کے خلاف آمدن سے زائد اثاثوں کی تحقیقات آشیانہ اقبال کیس کے تناظر میں شروع کی ہیں جب کہ انہوں نے بہت سے معاملات پر لاعلمی کا اظہار بھی کیا ہے۔

نیب  ذرائع کے مطابق احتساب عدالت سے شہبازشریف کےمزید ریمانڈ کے لیے دیگر کیسز کے نکات کو بھی استعمال کرنے کا منصوبہ بنایا گیا ہے۔

جہاں سورج کی روشنی تک نہیں جاتی، میں وہاں 24 گھنٹے بند ہوں: شہباز شریف

احتساب عدالت میں پیشی کے موقع پر صدر مسلم لیگ (ن) نے جج کو اپنے بیان میں کہا کہ ان پر ایک دھیلے کی کرپشن ثابت نہیں ہوسکی، وہ تفتیش کے لیے نیب افسران کو خود بلاتے ہیں۔

آشیانہ ہاؤسنگ کیس: شہباز شریف کے جسمانی ریمانڈ میں مزید 14 دن کی توسیع

نیب لاہور نے صدر مسلم لیگ (ن) اور سابق وزیراعلیٰ پنجاب شہباز شریف کو آشیانہ اقبال ہاؤسنگ کیس میں کرپشن کے الزام میں 5 اکتوبر کو گرفتار کیا تھا۔