پاکستان
01 اگست ، 2012
01 اگست ، 2012 
گڈانی میں ایل پی جی گیس کی قلت، بحری جہازوں کی کٹائی کا کام متاثر
01 اگست ، 2012
گڈانی …گڈانی میں ایل پی جی گیس کی قلت کے باعث ناکارہ بحری جہازوں کی کٹائی کا کام شدید متاثر ہورہا ہے۔ دنیا بھر سے پرانے اور ناکارہ بحری جہاز ٹوٹنے کیلئے گڈانی شپ بریکنگ یارڈ آتے ہیں۔ گڈانی شپ بریکنگ یارڈ میں ان دنوں ناکارہ بحری جہازوں کی قطاریں لگی ہوئی ہیں، ایل پی جی کی شدید قلت کے باعث جہازوں کی کٹائی متاثر ہورہی ہے، گیس مارکیٹ میں دستیاب نہیں اور اگر کہیں مل بھی رہی ہے تو بلیک میں فروخت کی جارہی ہے، شپ بریکرز نے ایل پی جی کی قلت کے باعث جہازوں کی کٹائی روک دی ہے جس سے ہزاروں مزدور بے روزگار ہوگئے ہیں۔ شب بریکرز کا کہنا ہے کہ اگر گیس کی مصنوعی قلت اور بلیک مارکیٹنگ کا خاتمہ نہ ہوا تو پاکستان میں شپ بریکنگ کی صنعت کا مستقبل تاریک ہوجائے گا۔
