05 فروری ، 2012 
ملتان میں عید میلاد النبی عقیدت واحترام سے منایا گیا
05 فروری ، 2012
ملتان …ملتان میں بارہ ربیع الااول کا دن انتہائی مذہبی عقیدت واحترام اور جوش وخروش کے ساتھ منایا گیا دن بھر میں مجموعی طور پر 150 سے زائد ریلیاں نکالی گئیں عاشقان رسول نے انتہائیعقیدت واحترام کے ساتھ ان ریلیوں میں شرکت کی ناصرف سرکاری بلکہ نجی عمارتوں بازاروں اور مساجد کو خوبصورت برقی قمقوں سے سجایا گیا بعد نماز مغرب جلال چوک سے گول باغ تک شمع بردار ریلی نکالی گئی دوسری جانب رات ہوتے ہی شہر کے مختلف علاقوں میں محافل نعت کا بھی انعقاد کیا گیا بعد نماز عشا تحریک انصاف کے رہنما مخدوم جاوید ہاشمی نے پاک گیٹ چوک کے قریب ایک مسجد میں کیک بھی کاٹا اس موقع پر انکا کہنا تھا کہ آج کا دن ہم سب کو درس دیتا ہے کہ تمام اختلافات بھلا کر ایک ہو جائیں اور اسوہ رسول پر چلتے ہوئے اپنی زندگی گزاریں بارہ ربیع الاول کی تمام ریلیوں کے لئے سیکورٹی کے سخت انتظامات کئے گئے تھے
