23 جنوری ، 2019 
سرفراز احمد نے اپنے کیے پر معافی مانگ لی
23 جنوری ، 2019
پاکستانی کرکٹ ٹیم کے کپتان سرفراز احمد نے گزشتہ روز جنوبی افریقا کے خلاف کہے گئے نسل پرستانہ جملوں پر معذرت کرتے ہوئے کہا ہے کہ ایسا سوچ نہیں سکتا۔
سرفراز احمد نے سوشل میڈیا پر اپنے بیان میں کہا کہ میرے ریمارکس سے اگر کسی کی دل آزاری ہوئی یا دل دکھا ہے تو میں معذرت چاہتا ہوں، میرا کسی کو دکھی کرنے کا کوئی ارادہ نہیں تھا۔
انہوں نے کہا کہ جان بوجھ کر جملہ نہیں کسا بلکہ میچ کی صورتحال دیکھ کر جذباتی ہو گیا تھا۔
ان کا کہنا تھا کہ غیر ارادی طور پر جملہ نکل گیا جو بدقسمتی سے اسٹمپ مائیک میں سنا گیا لیکن میرے الفاظ کسی کے خلاف بھی نہیں تھے۔
قومی ٹیم کے کپتان نے کہا کہ میں حریف ٹیموں کا فیلڈ اور آف دی فیلڈ احترام کرتا ہوں اور کرتا رہوں گا۔
انہوں نے کہا کہ میرے جملوں کا ہرگز مقصد کسی کو سنانا یا مخالف ٹیم یا کرکٹ فینز تک پہنچانا مقصد نہیں تھا، میں ماضی میں اپنے ساتھی کرکٹرز کی ملنساری اور دوستی کی تعریف کرتا رہا ہوں اور مستقبل میں بھی یہ عمل جاری رکھوں گا۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
