بلاول اور مریم ’ابو بچاؤ‘ مہم پر نکلے ہوئے ہیں: فواد چوہدری

وفاقی وزیر اطلاعات فواد چوہدری کا کہنا ہے کہ بلاول بھٹو اور مریم نواز ابو بچاؤ مہم پر نکلے ہوئے ہیں۔

اسلام آباد میں وزیر خارجہ شاہ محمود قریشی کے ہمراہ پریس کانفرنس کرتے ہوئے فواد چوہدری کا کہنا تھا کہ دونوں نے فیصلہ کیا ہے کہ اپنے اپنے ابوؤں کے پیسے اُن کی رہائی پر لگا دیں۔

فواد چوہدری کا کہنا تھا کہ ابو کو نیب نے بلا لیا ہے اور یہ پورے پاکستان سے ناراض ہو گئے ہیں، ان کی منطق عجیب و غریب ہے۔

چوری اور سینہ زوری کو واضح کرنا ہو تو نواز، زرداری کا رویہ دیکھ لیں: فواد چوہدری

کرپشن اولمپکس کی قسط نمبر 2 صبح 11 بجے شروع ہوگی، جسے دیکھتے رہیں، وفاقی وزیر اطلاعات

انہوں نے مزید کہا کہ اگر یہ سمجھتے ہيں کہ افہام و تفہیم کا مقصد ان کو معاف کر دینا ہے تو اس طرح نہيں ہونا، احتساب کا عمل جاری رہے گا-

خیال رہے کہ گزشتہ روز نیب نے سابق صدر آصف علی زرداری اور چیئرمین پیپلز پارٹی بلاول بھٹو کو ہیڈ کوارٹر میں طلب کیا تھا۔

اس حوالے سے فواد چوہدری نے سوشل میڈیا پر اپنے پیغام میں کہا تھا کہ چوری اور سینہ زوری کو مثال دیکر واضح کرنا ہو تو نواز شریف اور آصف زرداری کا رویہ دیکھ لیں۔