12 اپریل ، 2019 
پاکستان
دعا ہے عمران خان کے دور میں عوام کے تمام مسائل حل ہوں: وفاقی وزیر۔ فوٹو: فائل
ایک اور وفاقی وزیر کا ملک میں مہنگائی کا اعتراف
12 اپریل ، 2019
وزیراعظم کے مشیر برائے تجارت عبدالرزاق داؤد کے بعد ایک اور وفاقی وزیر نے ملک میں مہنگائی کا اعتراف کیا ہے۔
وزیر ریلوے شیخ رشید نے مہنگائی کا اعتراف کرتے ہوئے کہا مانتا ہوں کہ عمران خان کے دور میں عوام کو مسائل کا سامنا ہے، ادویات مہنگی ہیں اور دیگر مسائل بھی ہیں، دعا ہے عمران خان کے دور میں عوام کے تمام مسائل حل ہوں۔
یاد رہے کہ گزشتہ روز وزیراعظم عمران خان کے مشیر برائے تجارت عبدالرزاق داؤد نے بھی میڈیا سے گفتگو میں مہنگائی میں اضافے کا اعتراف کیا تھا۔
عبدالرزاق داؤد کا کہنا تھا کوئی شک نہیں کہ مہنگائی بڑھ گئی ہے، پہلے دو ماہ میں برآمدات اچھی رہیں لیکن مارچ میں اچانک نیچے آگئیں۔
