لاہور سے 3 مبینہ دہشت گرد گرفتار، داتا دربار دھماکے میں ملوث ہونے کا شبہ

لاہور: حساس اداروں نے لاہور کے علاقے بھاٹی گیٹ میں کارروائی کرتے ہوئے 3 دہشت گردوں کو گرفتار کرلیا جن پر داتا دربار دھماکے میں ملوث ہونے کا شبہ ظاہر کیا جارہا ہے۔

انٹیلی جنس ذرائع کے مطابق بھاٹی گیٹ کے علاقے میں کارروائی کے دوران گرفتار ہونے والے مبینہ تین دہشت گردوں میں ایک خاتون سہولت کار بھی شامل ہے جنہیں نامعلوم مقام پر منتقل کر دیا گیا ہے۔

انٹیلی جنس ذرائع نے شبہ ظاہر کیا ہےکہ تینوں دہشت گردوں کا تعلق داتا دربار دھماکے سے ہے۔ 

لاہور: داتا دربار کے باہر خودکش حملہ، 4 پولیس اہلکاروں سمیت 10 افراد شہید

دھماکا دربار کے گیٹ نمبر 2 کے باہر ہوا، حملے میں 7 کلو دھماکا خیز مواد استعمال کیا گیا، حملہ آور کی عمر 15 سال کے قریب تھی جس نے ایلیٹ فورس کی گاڑی کو ٹارگٹ کیا، 26 افراد زخمی بھی ہوئے

یاد رہے کہ رواں ماہ 8 مئی کو داتا دربار کے باہر خودکش دھماکا ہوا جس کے نتیجے میں 5 پولیس اہلکاروں سمیت 12 افراد شہید اور 25 زخمی ہوئے۔