Can't connect right now! retry

کھیل
04 جولائی ، 2019

سرفراز بنگلادیش کے خلاف معجزہ ہونے اور 500 رنز بنانے کیلئے پرامید


لندن: قومی کرکٹ ٹیم کے کپتان سرفراز احمد کا کہنا ہے کہ بنگلا دیش کے خلاف میچ میں 500 رنز بنانے کی کوشش کریں گے۔

لندن میں پریس کانفرنس کرتے ہوئے سرفراز احمد کا کہنا تھا کہ ہم پوری کوشش کریں گے بنگلا دیش کے خلاف میچ جیتیں، اگر نصیب میں ہوا تو کو ئی معجزہ ہو جائے گا۔

ان کا کہنا تھا کہ ہم ورلڈکپ کا اختتام اچھے نوٹ پر کرنا چاہتے ہیں، ہم چار میچز ضرور ہارے ہیں لیکن ہم نے جس انداز میں کم بیک کیا اس کے بعد  اگر ہم اگلے مرحلے میں نہیں گئے تو مایوسی ہو گی۔

سرفراز احمد کا مزید کہنا تھا کہ ہم نے شروع میں اچھی کرکٹ نہیں کھیلی لیکن بعد میں ہم نے بہت اچھا کم بیک کیا، شاہین شاہ آفریدی کی کارکردگی، عامر اور وہاب کے کم بیک ہمارے لیے مثبت پہلو ہیں۔

دائیں ہاتھ کے بلے باز نے کہا کہ آسٹریلیا والا میچ  ایسا تھا جس میں ہماری پوزیشن کافی اچھی تھی، وہ میچ ہم جیت سکتے تھے۔ اس کے علاوہ ویسٹ انڈیز والا میچ بھی ہمیں بھاری پڑ گیا جب کہ نیوزی لینڈ اور افغانستان کے میچز پر وکٹ اتنا آسان نہیں تھا۔

کپتان سرفراز احمد کا کہنا تھا کہ بنگلا دیش کے خلاف میچ کے لیے پلیئنگ الیون کا فیصلہ کر لیا ہے تاہم حتمی ٹیم کا اعلان پچ کی صورت حال دیکھ کر کریں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM