محسن عباس نفسیاتی ہے، مجھے بھی اور خود کو بھی تھپڑ مارتا تھا: اہلیہ فاطمہ

لاہور: اداکار و میزبان محسن عباس حیدر کی اہلیہ فاطمہ سہیل کا کہنا ہے کہ محسن عباس نفسیاتی ہے، مجھے بھی اور خود کو بھی تھپڑ مارتا تھا۔

ایس پی کینٹ لاہور نے محسن عباس حیدر اور ان کی اہلیہ فاطمہ سہیل کو طلب کیا جہاں دونوں افراد سے تفتیش کی گئی۔ 

بعد ازاں میڈیا سے گفتگو میں اداکار محسن عباس کی اہلیہ فاطمہ سہیل کا کہنا تھا کہ پولیس کی طرف سے تاخیری حربے استعمال کیے جارہے ہیں اور مقدمہ درج نہیں کیا جا رہا۔

اداکار محسن عباس کی اہلیہ نے شوہر پر تشدد اور بےوفائی کا الزام عائد کر دیا

ادکار کی اہلیہ نے سوشل میڈیا پر ایک پوسٹ شیئر کی جس میں انہوں نے اپنے شوہر کے مظالم کیخلاف بات کرتے ہوئے عدالت جانے کا اعلان بھی کیا۔

انہوں نے کہا کہ محسن عباس نفسیاتی ہے، مجھے بھی اور خود کو بھی تھپڑ مارتا تھا، جان کا خطرہ ہے اور ان کے ساتھ نہیں رہنا چاہتی، نہ ہی صلح کروں گی۔

ان کا کہنا ہے کہ صرف اپنے بیٹے کیلئے آواز اٹھائی ہے، محسن نے جھوٹی قسم کھا کرکہہ دیا کہ وہ پولیس اسٹیشن سےآیا لیکن میں بھی قسم کھاکر کہتی ہوں مجھ پر جسمانی اور ذہنی تشدد کیا گیا۔

فاطمہ سہیل نے کہا کہ میں نے گھر بچانے کی ہر ممکن کوشش کی، میرے پاس تمام میسیجز ہیں، میں نے اس دوسری عورت سے بات کی اور یہی میری غلطی تھی۔

ہمارا معاملہ بہتری کی طرف جا رہا ہے: محسن عباس 

دوسری جانب اداکار محسن عباس کا میڈیا سے گفتگو میں کہنا تھا کہ ہمارا معاملہ بہتری کی طرف جا رہا ہے، میں نے فاطمہ کو کبھی تشدد کا نشانہ نہیں بنایا، وہ غلط بیانی سے کام لے رہی ہیں۔ 

شادی کے چند روز بعد ہی اہلیہ کے جھوٹ سامنے آنے لگے تھے: اداکار محسن عباس

6 ماہ سے علیحدگی ہے اور فاطمہ نے جو تصاویر شیئر کی ہیں، وہ 2018 کی ہیں اور یہ تصاویر سیڑھیوں سے پھسل کر گرنے کے بعد کی ہیں: اداکار و میزبان

انہوں نے کہا کہ فاطمہ کے پاس ایسے کوئی ثبوت نہیں ہیں کہ میں نے کبھی پیسے ان کے والد سے منگوائے ہیں۔ 

ان کا کہنا تھا کہ جو بھی فیصلہ ہوگا وہ باہمی رضامندی سے ہوگا۔

دونوں کا مؤقف سن لیا ہے مزید پوچھ گچھ کی جائے گی: ایس پی کینٹ لاہور

اس حوالے سے ایس پی کینٹ صفدر رضا نے کہا کہ تاخیری حربے استعمال نہیں کررہے اور نہ ہی کسی کے ساتھ زیادتی ہوگی، دونوں کا مؤقف سن لیا ہے جس کے بعد مزید پوچھ گچھ کیلئے وقت درکار ہے۔

’حکومت اور ویمن پروٹیکشن اتھارٹی اب فاطمہ کے ساتھ ہے‘

پنجاب ویمن پروٹیکشن اتھارٹی کی چئیرپرسن فاطمہ چدھڑ نے محسن عباس کی اہلیہ فاطمہ سہیل کے ہمراہ پریس کانفرنس کی۔ 

اہلیہ پر مبینہ تشدد: شوبز شخصیات کی محسن عباس پر تنقید

اداکار اور میزبان محسن عباس کی اہلیہ فاطمہ سہیل نے شوہر پر تشدد اور بےوفائی کا الزام عائد کیا تھا۔

ویمن پروٹیکشن اتھارٹی کی چئیرپرسن کا کہنا تھا کہ فاطمہ کے مطابق جب سے ان کی شادی ہوئی تب سے تشدد کیا جارہا ہے، جو بھی قانونی مدد ہوگی، وہ فاطمہ کو دیں گے۔

انہوں نے کہا کہ تشدد کرنے والا کتنا بھی طاقتور کیوں نہ ہو انجام تک ضرور پہنچائیں گے، حکومت اور ویمن پروٹیکشن اتھارٹی اب فاطمہ کے ساتھ ہے۔

یاد رہے کہ گزشتہ روز اداکار محسن عباس کی اہلیہ فاطمہ سہیل نے شوہر پر بے وفائی اور تشدد کرنے کا الزام لگایا تھا تاہم محسن عباس نے پریس کانفرنس میں الزامات کو جھوٹ قرار دیا تھا۔