Can't connect right now! retry

پاکستان
14 اگست ، 2019

’مودی ہٹلر کی کاپی ہے، ہٹلر اور بی جے پی کے سیلوٹ کرنے کا انداز ایک جیسا ہے‘

کشمیری وزیراعظم عمران خان کی طرف دیکھ رہی ہے، لوگ ایل او سی کو پار کرنے کے لیے مچل رہے ہیں: وزیراعظم آزاد کشمیر  — فوٹو: فائل 

وزیراعظم آزاد کشمیر راجہ فاروق حیدر کا کہنا ہے کہ بھارتی وزیر اعظم نریندر مودی ہٹلر کی کاپی ہے۔

راجہ فاروق حیدر کا آزاد کشمیر قانون ساز اسمبلی سے خطاب میں کہنا تھا کہ ہٹلر اور بھارتیہ جنتا پارٹی (بی جے پی) کے سیلوٹ کرنے کا انداز یکساں ہے۔

انہوں نے کہا کہ 1989 سے اب تک ایک لاکھ سے زائد کشمیری اپنی جان کی قربانی دے چکے ہیں، کشمیریوں کو خوراک اور ادویات سے محروم کیا جارہا ہے لیکن ان کی آزادی کی جدوجہد جاری ہے۔

وزیراعظم آزاد کشمیر راجہ فاروق حیدر خطاب کے دوران مقبوضہ کشمیر میں بھارتی مظالم کا ذکر کرتے ہوئے آبدیدہ ہوگئے۔

انہوں نے مزید کہا کہ کشمیری وزیراعظم عمران خان کی طرف دیکھ رہی ہے، لوگ ایل او سی کو پار کرنے کے لیے مچل رہے ہیں، امید ہے اس اجلاس کے دور رس نتائج نکلیں گے۔

یاد رہے کہ وزیراعظم عمران خان نے بھی یوم آزادی کے موقع پر کشمیریوں سے یکجتی کیلئے آزاد کشمیر پہنچے جہاں انہوں نے قانون ساز اسمبلی سے خطاب بھی کیا۔ 

انہوں نے اپنے خطاب میں بھارتی وزیراعظم کو واضح پیغام دیا ہے کہ ہم مودی کی اینٹ کا جواب پتھر سے دیں گے اور وقت آگیا ہے کہ انہیں ایک سبق سکھائیں۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM