کھیل
14 اگست ، 2012
14 اگست ، 2012 
ڈوپ ٹیسٹ مثبت،بیلاروس کی نڈزیا اوسٹیپ چک سے طلائی تمغہ واپس
14 اگست ، 2012
لندن …لندن اولمپکس میں گولڈمیڈل جیتنے والے نہ جانے کب تک خوشی مناتے رہیں گے،مگربیلاروس کی ایتھلیٹ نڈزیا اوسٹیپ چک NadzeyaOstapchukمیڈل سے محروم ہوگئیں،مثبت ڈوپ ٹیسٹ کی وجہ سے اُن کاتمغہ واپس لے لیاگیا۔نڈزیا اوسٹیپ چک نے اولمپکس کے شاٹ پٹ Shot Putمقابلوں میں گولڈمیڈل جیتا،لیکن ان کی یہ خوشی چند دن کی مہمان ثابت ہوئی۔انٹرنیشنل اولمپک کمیٹی کے مطابق اوسٹیپ چک کامقابلے سے پہلے اورمقابلے کے بعد ڈوپ ٹیسٹ لیا،دونوں ٹیسٹ مثبت آئے جس کی وجہ سے ان کاتمغہ واپس لے لیاگیاہے،اب یہ گولڈمیڈل دوسرے نمبرپرآنے والی نیوزی لینڈ کی ویلری ایڈمز کو دے دیا گیاہے۔
