’فنٹاسٹک ٹی‘، باکسر عامر کا ابھی نندن کا نام لیے بغیر چائے پکڑ کر بھارت پر طنز

پاکستانی نژاد برطانوی باکسر عامر خان نے کشمیری چائے کو عمدہ چائے قرار دیدیا۔

پاکستان نے 27 فروری کو پاکستانی فضائی حدود کی خلاف ورزی کرنے پر دو بھارتی جنگی طیارے مار گرائے تھے جس میں سے ایک کا ملبہ پاکستانی حدود میں گرا تھا۔

پاکستان نے اپنی حدود میں گرنے والے بھارتی طیارے کے پائلٹ ابھی نندن کو بھی حراست میں لے لیا تھا جسے وزیراعظم عمران خان نے جذبہ خیر سگالی کے تحت اگلے ہی روز رہا کرنے کا اعلان کیا تھا۔

بھارت کی کسی بھی مہم جوئی کا جواب 27 فروری سے زیادہ سخت ہو گا: ترجمان پاک فوج

ہزاروں بھارتی فوجی بہادر کشمیریوں کی جدوجہد کو دبانے میں ناکام رہے اور بھارت کی حالیہ کوششیں بھی کامیاب نہیں ہوں گی: میجر جنرل آصف غفور

بھارتی پائلٹ نے دوران حراست پاکستان آرمی کے پیشہ ورانہ برتاؤ اور چائے کی بہت تعریف کی تھی۔

باکسر عامر خان نے گزشتہ روز لائن آف کنٹرول کا دورہ کیا اور سوشل میڈیا پر ایک ویڈیو شیئر کی جس میں وہ کہہ رہے ہیں کہ فنٹاسٹک چائے، کشمیری چائے۔

ڈی جی آئی ایس پی آر میجر جنرل آصف غفور نے اپنے ذاتی اکاؤنٹ سے باکسر عامر خان کا شکریہ ادا کرتے ہوئے لکھا کہ چائے عمدہ ہے۔

بھارتی پائلٹ ابھی نندن کا بھارت پہنچنے کے بعد بیان سامنے آگیا

تقریباً 60 گھنٹے تک زیر حراست رہا لیکن اس دوران پاک فوج کی جانب سے کسی بھی قسم کا جسمانی تشدد نہیں کیا گیا، ابھی نندن

ایل او سی کے دورے پر میڈیا سے گفتگو کرتے ہوئے عامر خان کا کہنا تھا کہ کشمیریوں کی آواز بننے کے لیے لائن آف کنٹرول کا دورہ کر رہا ہوں۔

باکسر عامر خان کا کہنا تھا کہ مقبوضہ کشمیر میں بچے اسکول نہیں جا سکتے، کشمیریوں پر انسانیت سوز مظالم کیے جا رہے ہیں، بھارتی مظالم کو دنیا بھر میں اجاگر کروں گا۔

انہوں نے کہا کہ اقوام متحدہ کی قراردادوں کی خلاف ورزی اور کشمیریوں کی نسل کشی کے خلاف آواز بنوں گا۔

قبل ازیں انہوں نے ڈی جی آئی ایس پی آر میجر جنرل آصف غفور کا شکریہ ادا کرتے ہوئے کہا کہ انہوں نے ہمیں لائن آف کنٹرول کا دورہ کرنے کی دعوت دی۔

عامر خان کا کہنا تھا کہ برطانیہ میں ہم ٹی وی پر کشمیر کی صورت حال دیکھتے ہیں جس نے مجھے مجبور کیا کہ یہاں کا دورہ کر کے اپنی آواز کو دنیا کے سامنے اٹھاؤں۔