Can't connect right now! retry

کھیل
05 ستمبر ، 2019

کیا آپ جانتے ہیں مصباح الحق دو عہدوں پر کام کا کتنا معاوضہ لیں گے؟

سابق ہیڈ کوچ مکی آرتھر 23 لاکھ اور سابق چیف سلیکٹر انضمام الحق 16 لاکھ روپے تنخواہ پر کام کررہے تھے  — فوٹو: اے پی پی 

پاکستان کرکٹ ٹیم کا 3 سال کیلئے ہیڈ کوچ اور چیف سلیکٹر بننے کے بعد مصباح الحق نے ہر قسم کی کرکٹ کو خیر باد کہہ دیا ہے اور اپنا بیٹ اور کرکٹ سامان پیک کردیا ہے۔

45 سالہ مصباح الحق نے گزشتہ سال سوئی ناردرن کیلئے فرسٹ کلاس کرکٹ کھیلی تھی اور فیصل آباد کیلئے قائد اعظم ٹرافی گریڈ 2 میں شرکت کی تھی جبکہ وہ پاکستان سپر لیگ میں اس سال فروری میں پشاور زلمی کی نمائندگی کرتے ہوئے لاہور قلندرز کے خلاف ایک میچ میں مین آف دی میچ بھی بنے تھے۔

دسمبر میں قائد اعظم ٹرافی میں حبیب بینک کے خلاف اپنے آخری فرسٹ کلاس میچ میں91 اور44 ناٹ آؤٹ رنز بنائے تھے، پی ایس ایل میں 49 ناٹ آؤٹ، 59 ناٹ آؤٹ اور 18 رنز بنائے تھے۔

ذرائع کا کہنا ہے کہ پی سی بی سے معاہدہ کرنے سے قبل مصباح الحق نے ہر قسم کی کرکٹ کو خیرباد کہہ دیاہے اور اب مستقبل میں وہ کوچ کی حیثیت سے دکھائیں دیں گے۔

طاقتور ترین کوچ کے ساتھ ساتھ مصباح سب سے مہنگے اور سب سے زیادہ تعلیم یافتہ پاکستانی کوچ ہیں، پاکستانی کوچ کو دوہری ذمہ داری دے کر انہیں مکی آرتھر کے مساوی پیکیج دیا گیا ہے جو تقریبا 28 لاکھ روپے ماہانہ ہوگا۔

ذرائع کا کہنا ہے کہ مصباح الحق، سابق چیف سلیکٹر انضمام الحق کی جگہ کام کریں گے، انضمام الحق ماہانہ تقریبا 16 لاکھ روپے تنخواہ لیتے تھے۔

کرکٹ بورڈ نے غیر ملکی کے برابر اپنے سابق کپتان کو مکمل اختیارات کے ساتھ اتنا ہی معاوضہ بھی دیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM