سعودی عرب نے سال میں دو بار عمرہ ویزہ جاری کرنے کی اضافی فیس ختم کردی

سعودی عرب نے ایک سال میں 2 بار عمرہ ویزہ جاری کرنے کیلئے اضافی فیس ختم کردی۔

سعودی وزیر حج و عمرہ ڈاکٹر محمد صالح نے کہا ہے کہ خادم حرمین شریفین کا یہ اعلان وژن 2030 کا حصہ ہے جس کے تحت عمرہ زائرین کی تعداد 3 کروڑ سالانہ تک پہنچانا ہے۔

دوبارہ عمرے کی ادائیگی پر عائد 2 ہزار ریال فیس کی شرط ختم

سعودی وزارت مذہبی امور کی جانب سے اس حوالے سے پاکستانی حکام اور عمرہ و حج آپریٹرز کو آگاہ کر دیا گیا ہے۔

انہوں نے کہا کہ مکہ مکرمہ اور مدینہ منورہ میں معتمرین کو تمام خدمات دی جائیں گی۔

خیال رہے کہ  گزشتہ دنوں سعودی حکومت نے پاکستانی حکومت کی درخواست کو منظور کرتے ہوئے دو سال میں عمرہ کرنے والوں پر عائد 2 ہزار ریال فیس کی شرط ختم کردی تھی۔