Can't connect right now! retry

پاکستان
11 ستمبر ، 2019

سیالکوٹ اور لندن کے درمیان پی آئی اے کی براہ راست پرواز کا آغاز

سیالکوٹ اور لندن کے درمیان پی آئی اے کی براہ راست ہفتہ وار پرواز کا آغاز— فوٹو فائل

سیالکوٹ اور لندن کے درمیان قومی ائیر لائن (پی آئی اے) کی براہ راست ہفتہ وار پرواز کا باقاعدہ آغاز ہو گیا۔

ترجمان پی آئی اے کے مطابق آج صبح ساڑھے 6 بجے لندن سے سیالکوٹ کے لیے براہ راست پہلی پرواز پی کے 778 سیالکوٹ ائیرپورٹ پہنچ گئی ہے جو گزشتہ ایک سال کے دوران پی آئی اے کا دسواں نیا روٹ ہے۔

ترجمان پی آئی  اے نے بتایا کہ پرواز پی کے 778 کی آمد پر آبی توپوں کی سلامی دی گئی۔

اس موقع پر وفاقی وزیر ہوابازی غلام سرور خان نے کہا کہ براہ راست پرواز سے سیالکوٹ اور ملحقہ علاقوں میں رہنے والے تارکین وطن کو بہت آسانی میسر ہو گی۔


انہوں  نے بتایا کہ سیالکوٹ سے لندن کے لیے ہفتہ وار پروازیں چلائی جائیں گی  جس سے پی آئی  اے کے ریونیو میں مزید اضافہ ہو گا۔

لندن سے سیالکوٹ تک براہ راست پرواز کے آغاز پر وفاقی وزیر نے مزید کہا کہ اس سے کارگو بزنس کو بھی فروغ ملے گا۔

ادھر سی ای او پی آئی  اے ائیر مارشل ارشد ملک نے کہا کہ ہماری یہ کوشش انشاء اللہ کامیاب رہے گی، تعاون پر ہم وفاقی وزیر غلام سرور خان کے بہت مشکور ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM