26 ستمبر ، 2019 
راحت فتح علی خان نے بین الاقوامی کنسرٹ منسوخ ہونے کی خبروں کی تردید کردی
26 ستمبر ، 2019
عالمی شہرت یافتہ گائیک راحت فتح علی خان آسٹریلیا پہنچ گئے جہاں وہ کنسرٹ میں اپنی آواز کا جادو جگائیں گے۔
راحت فتح علی خان نے بتایا کہ میرے تمام انٹرنیشنل شوز اپنے طے شدہ شیڈول کے مطابق ہوں گے، میں نے ہمیشہ اپنے سننے والوں کیلئے کچھ نیا کیا ہے، آسٹریلیا میں بھی کچھ نیا ہوگا۔
انہوں نے بتایا کہ جمعہ، ہفتہ اور اتوار کو آسٹریلیا کے مختلف شہروں میں اپنے مداحوں کے سامنے پرفارم کروں گا، جس کے بعد امریکا اور کینیڈا میں بھی میرے شوز اپنے شیڈول کے مطابق ہوں گے۔
راحت فتح علی خان نے اپنے چاہنے والوں سے کہا ہے کہ ان کی محبت ہی ان کا اصل سرمایہ ہیں، وہ ان کے شوز کینسل ہونے اور ان سے متعلق دیگر افواہوں پر توجہ نہ دیں۔
واضح رہے کہ آسٹریلیا، امریکا اور کینیڈا میں استاد راحت فتح علی خان کے مداحوں کی تعداد ہزاروں میں ہے۔
گزشتہ دنوں یہ خبریں سامنے آئی تھیں کہ بھارتی سنیما ایسوسی ایشن کی جانب سے پروموٹرز کو عالمی شہرت یافتہ پاکستانی گلوکار راحت فتح علی کے ساتھ شو منسوخ کرنے کا نوٹس جاری کیا گیا ہے۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
