پی ٹی آئی کے ارباب عامر وزیراعظم کو وزراء کی شکایت کرتے ہوئے آبدیدہ ہوگئے

تحریک انصاف کے رکن قومی اسمبلی ارباب عامرعامر ایوب خان پارلیمانی پارٹی کے اجلاس میں وزیراعظم عمران خان کو وفاقی وزراء کی شکایت لگاتے ہوئے آبدیدہ ہوگئے۔

حکمران جماعت پاکستان تحریک انصاف کی پارلیمانی پارٹی اجلاس کی اندرونی کہانی سامنے آئی ہے۔ 

ذرائع کے مطابق تحریک انصاف کے ارکان قومی اسمبلی اجلاس میں اپنے ہی وزراء پر پھٹ پڑے اور پشاور سے رکن قومی اسمبلی ارباب عامر اجلاس میں بات کرتے ہوئے آبدیدہ ہو گئے۔

وزیراعظم کا پنجاب کے متعدد وزراء کو فارغ کرنے کا فیصلہ

وزیراعظم نے پنجاب کابینہ میں نئے وزراء لانے کا فیصلہ کیا ہے، آئی جی پنجاب کو بھی عہدے سے ہٹایا جائے گا، ذرائع

ذرائع کا کہنا ہے کہ ارباب عامر کا کہنا تھا کہ وزراء ہمیں ملاقات کیلئے وقت بھی نہیں دیتے، جائز کام کیلئے بھی وزراء کی منتیں کرتے ہیں لیکن پھر بھی کام نہیں ہورہے۔

ذرائع نے بتایا کہ ارباب عامر جذباتی ہو کر اجلاس سے اٹھ کر جانے لگے تو وزیراعظم نے انہیں روکتے ہوئے کہا کہ جن وزراء کی کارکردگی ٹھیک نہیں، انہیں تبدیل کررہا ہوں۔ 

فواد چوہدری کا قلمدان تبدیل، حفیظ شیخ مشیر خزانہ، اعجاز شاہ وزیر داخلہ مقرر

وزیراعظم نے وفاقی کابینہ میں اکھاڑ پچھاڑ کردی، فواد چوہدری سائنس ٹیکنالوجی،غلام سرور وزیر ایوی ایشن ہوں گے، فردوس عاشق معاون خصوصی برائے اطلاعات، شہریار آفریدی وزیر مملکت سیفران مقرر

وزیراعظم نے وزراء کو اراکین قومی اسمبلی کے شکوے دور کرنے کی ہدایت کی۔ 

یاد رہے کہ وزیراعظم عمران خان نے پنجاب میں بڑے پیمانے پر اکھاڑ پچھاڑ کا فیصلہ کیا ہے۔ ذرائع کے مطابق پنجاب کی کابینہ میں بڑے پیمانے پر تبدیلی کا امکان ہے جس کے تحت متعدد وزراء کو فارغ کرکے نئے وزراء لانے کا فیصلہ کیا گیا ہے۔