Can't connect right now! retry

کاروبار
30 ستمبر ، 2019

حکومت کا پیٹرولیم مصنوعات کی قیمتیں برقرار رکھنے کا فیصلہ


اسلام آباد: حکومت نے پیٹرولیم مصنوعات کی قیمتیں برقرار رکھنے کا فیصلہ کیا ہے۔

گزشتہ دنوں آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں ردوبدل کی سمری پیٹرولیم ڈویژن کو بھیجی تھی جس میں اکتوبر کیلئے پیٹرول کی قیمت میں 2 روپے 55 پیسے فی لیٹر اور ڈیزل میں 3 روپے 23 پیسے فی لیٹر کمی کی سفارش کی گئی تھی۔

تاہم حکومت نے ماہ اکتوبر کیلئے پیٹرولیم مصنوعات کی قیمتیں برقرار رکھنے کا فیصلہ کیا ہے۔ 

وزرات خزانہ کی جانب سے جاری کیے گئے اعلامیے کے مطابق قیمتیں برقرار رکھنے کا فیصلہ عالمی منڈی میں پیٹرولیم مصنوعات کی قیمتوں میں اضافے کے رجحان کے باعث کیا گیا۔

اعلامیے میں کہا گیا ہے کہ ستمبر کے وسط سے عالمی منڈی میں پیٹرولیم مصنوعات کی قیمتوں میں اضافے کا رجحان ہے جو نومبر تک برقرار رہنے کا امکان ہے۔

پیٹرول کی موجودہ قیمت 113 روپے 24 پیسے فی لیٹر جبکہ ہائی اسپیڈ ڈیزل کی فی لیٹر قیمت 127 روپے 14 پیسے ہے۔

لائٹ ڈیزل آئل کی موجودہ قیمت 91 روپے 89 پیسے فی لیٹر جبکہ مٹی کا تیل 99 روپے57 پیسے فی لیٹر فروخت ہورہا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM