02 اکتوبر ، 2019 
ہوائی فائرنگ کرکے پولیس کو چیلنج کرنے والا نوجوان گرفت میں آگیا
02 اکتوبر ، 2019
فیصل آباد میں کیمرے کے سامنے بیٹھ کر ہوائی فائرنگ کرنے اور پولیس فورس کو پکڑنے کا چیلنج دینے والا نوجوان پولیس کی گرفت میں آگیا۔
نوجوان کی وڈیو وائرل ہونے کے بعد پولیس نے ملزم کو تلاش کر کے گرفتار کرلیا، ملزم کے خلاف مقدمہ درج کرلیا گیا جبکہ ہوائی فائرنگ میں استمال ہونے والا اسلحہ برآمد کرلیا گیا۔
پولیس کے مطابق سوشل میڈیا پر ایک نوجوان کی کیمرے کے سامنے ہوائی فائرنگ کرنے اور پولیس فورس کو اسے پکڑنے کا چیلنج کرنے کی وڈیو وائرل ہوئی تھی جس کے فوراً بعد ہی ملزم کی تلا ش شروع کردی گئی تھی۔
پولیس کے مطابق ملزم کی شناخت بلاول کے نام سے ہوئی جسے پولیس نے رضا آباد کے علاقے سے گرفتار کرلیا اور ملزم کے خلاف مقدمہ درج کرکے اس کے قبضے سے ہوائی فائرنگ میں استمال ہونے والا اسلحہ بھی برآمد کر لیا گیا ہے۔
