05 اکتوبر ، 2019 
قندیل بلوچ قتل کیس کا اشتہاری ملزم عارف انٹرپول کی مدد سے گرفتار
05 اکتوبر ، 2019
قندیل بلوچ قتل کیس میں اشتہاری ملزم اور مقتولہ کے بھائی عارف کو انٹرپول کی مدد سے سعودی عرب سے گرفتار کرلیا گیا۔
پولیس ترجمان کے مطابق مقتولہ قندیل بلوچ کا بھائی عارف قتل کے مقدمے میں نامزد تھا جو فرار ہو کر سعودی عرب چلاگیا تھا۔
انہوں نے بتایا کہ عدالت کی جانب سے ملزم کو اشتہاری قرار دیا گیا تھا جس کے بعد انٹرپول کی مدد سے ملزم کو سعودی عرب سے گرفتار کر کے ملتان منتقل کیا گیا۔
ترجمان کا کہنا ہے کہ ملزم کو ملتان کی مقامی عدالت میں پیش کیا گیا جہاں عدالت نے ملزم کو 3 روزہ جسمانی ریمانڈ پر پولیس کے حوالے کردیا۔
یاد رہے کہ گزشتہ دنوں عدالت نے ماڈل قندیل بلوچ قتل کیس کا فیصلہ سنایا جس میں مفتی عبدالقوی کو بری کیا گیا جبکہ ماڈل کے بھائی وسیم کو عمر قید کی سزا سنائی گئی تھی۔
ماڈل گرل قندیل بلوچ کو 15 جولائی 2016 کو ملتان کے علاقے مظفرآباد میں قتل کیا گیا تھا۔
