نیویارک کے نجی سوشل کلب میں فائرنگ، 4 افراد ہلاک اور 3 زخمی

امریکی شہر نیویارک میں فائرنگ کا واقعہ پیش آیا ہے جس کے نتیجے میں 4 افراد ہلاک اور 3 زخمی ہوگئے۔

امریکی خبر رساں ایجنسی ایسوسی ایٹڈ پریس کے مطابق نیویارک سٹی پولیس کا کہنا ہے کہ فائرنگ کا واقعہ بروکلن میں ایک عمارت کے اندر صبح 7 بجے کے قریب پیش آیا۔

امریکا: اوہائیو کے نائٹ کلب میں فائرنگ ،ایک شخص ہلاک

امریکی ریاست اوہائیو میں نائٹ کلب پر مسلح شخص کی فائرنگ میں ایک شخص ہلاک جبکہ 15 زخمی ہو گئے ...

پولیس کے مطابق واقعے میں نیویارک پولیس ڈپارٹمنٹ کو صبح سات بجے کے قریب عمارت میں فائرنگ کی اطلاع ملی، پولیس جب جائے وقوع پہنچی تو وہاں افراد کی لاشیں ملی جبکہ ایک خاتون اور دو مرد زخمی حالت میں پائے گئے جن کی حالت خطرے سے باہر ہے۔

پولیس کا کہنا ہے کہ جس عمارت میں فائرنگ کا واقعہ پیش آیا اس کا پتہ 74 یوٹیکا اوینیو ہے اور آن لائن نقشے میں اس عمارت میں نجی سوشل کلب دکھایا جارہا ہے تاہم پولیس نے اب تک یہ واضح طور پر نہیں بتایا کہ یہ عمارت کس مقصد کیلئے استعمال ہورہی تھی۔

اس واقعے کے حوالے سے اب تک کوئی گرفتاری عمل میں نہیں آئی ہے اور پولیس واقعے میں مختلف پہلوؤں سے تحقیقات کررہی ہے۔