احمد شہزاد پر قائد اعظم ٹرافی کے میچ میں بال ٹیمپرنگ کا چارج

پاکستان کرکٹ ٹیم کے اوپننگ بیٹسمین احمد شہزاد پر قائد اعظم ٹرافی کے میچ میں بال ٹیمپرنگ کا چارج لگادیا گیا۔ بال ٹیمپرنگ کرنے والے پلیئرز کی شناخت نہ ہونے پر بطور کپتان احمد شہزاد کو چارج کا سامنا کرنا پڑا ۔

پاکستان کرکٹ بورڈ (پی سی بی) کے مطابق اقبال اسٹڈایم فیصل آباد میں سندھ اور فیصل آباد کے درمیان کھلےجانے والے میچ میں احمد شہزاد کو گیند کی کنڈیشن تبدیل کرنے پر چارج کیا گیا ہے۔

احمد شہزاد تلخ ماضی بھلا کر پاکستان ٹیم میں واپسی کیلئے پُرامید

احمد شہزاد اکتوبر2017 میں سری لنکا کے خلاف سیریز کے بعد ٹیم سے ہوئے اور پھر ممنوع ادویات استعمال کرنے کی وجہ انہیں پابندی کا سامنا کرنا پڑا۔

احمد شہزاد کو "نان آئیڈینٹی فکیشن" قوانین کے تحت بطور کپتان چارج کیا گیا ہے۔ ذرائع کا کہنا ہے کہ سندھ کی پہلی اننگز میں سولہویں سے 20ویں اوور کے دوران فیلڈ امپائرز ضمیر حیدر اور محمد آصف نے گیند کی کنڈیشن کا معائندہ کیا اور اس میں تبدیلیاں محسوس کیں۔

بال ٹیمپرنگ کرنے والی کھلاڑی کی شناخت نہ ہوسکی اور امپائرز نے فوری طور پر گیند تبدیل کردی تاہم بال کے ساتھ گڑبڑ کرنے والے پلیئر کی شناخت نہ ہوسکی جس کی بنا پر سینٹرل پنجاب کے کپتان احمد شہزاد پر کوڈ آف کنڈکٹ کے تحت چارج کردیا گیا۔

احمد شہزاد ٹی ٹوئنٹی میں ویرات کوہلی اور ڈیوائن اسمتھ کے برابر آگئے

احمد شہزاد یہ اعزاز حاصل کرنے والے پاکستان کے پہلے اور ایشیاکے تیسرے بلے باز ہیں

ذرائع کے مطابق احمد شہزاد پر لیول ون کا چارج ہے اور سزا کا اعلان جمعہ کو کیا جائے گا۔ ممکن ہے کہ ان پر میچ فیس کا 50 سے 75 فیصد تک جرمانہ عائد کیا جائے ۔