خورشید شاہ ایمبولینس کے ذریعے عدالت میں پیش، جسمانی ریمانڈ میں توسیع

عدالت نے پیپلز پارٹی کے رہنما خورشید شاہ کے جسمانی ریمانڈ میں مزید 5 روز کی توسیع کر دی۔

نیب نے خورشید شاہ کو عدالت میں پیش کیے بغیر ہی میڈیکل رپورٹ کی بنیاد پر ان کا مزید ریمانڈ دینے کی استدعا کی تھی جسے عدالت نے مسترد کر دیا تھا۔

عدالت نے خورشید شاہ کو ایک گھنٹے میں پیش کرنے کا حکم دیا تھا جس پر خورشید شاہ کو ایمبولینس کے ذریعے عدالت میں پیش کیا گیا۔

نیب نے پیپلزپارٹی کے رہنما خورشید شاہ کو گرفتار کرلیا

خورشید شاہ کو آمدن سے زیادہ اثاثوں کے الزام میں اسلام آباد سے گرفتار کیا گیا جنہیں راہداری ریمانڈ لیکر سکھر منتقل کیا جائے گا: نیب ذرائع

نیب ٹیم نے خورشید شاہ کو ڈسٹرکٹ اینڈ سیشن جج کی عدالت میں پیش کیا۔ طبیعت ناساز ہونے کے باعث خورشید شاہ کو ایمبولینس میں عدالت لایا گیا اور وہیل چیئر پر کمرہ عدالت میں پیش کیا گیا۔

عدالت نے خورشید شاہ کو مزید 5 روز کے جسمانی ریمانڈ پر نیب کی تحویل میں دیتے ہوئے 9 نومبر کو دوبارہ پیش کرنے کا حکم دیدیا۔

یاد رہے کہ 31 جولائی کو قومی احتساب بیورو (نیب) کے چیئرمین جسٹس (ر) جاوید اقبال کی سربراہی میں ہونے والے ایگزیکٹو بورڈ کے اجلاس میں سید خورشید شاہ کے خلاف انکوائری کی منظوری دی گئی تھی۔