فضل الرحمان ق لیگ کے رہنما چوہدری شجاعت سے ملاقات کیلئے ان کے گھر پہنچ گئے

اسلام آباد: مولانا فضل الرحمان مسلم لیگ ق کے رہنما چوہدری شجاعت سے ملاقات کیلئے ان کے گھر پہنچ گئے۔

مولانا فضل الرحمان کی چوہدری  شجاعت اور  چوہدری پرویز  الٰہی سے ملاقات جاری ہے جس میں آزادی مارچ سے متعلق معاملات زیر غور آئیں گے۔

چوہدری برادران کی فضل الرحمان سے ملاقات، آزادی مارچ پر بات چیت

ملاقات میں آزادی مارچ، ملکی سیاسی صورت حال سمیت اہم امور پر تبادلہ خیال ہوا

اس موقع پر مختصر گفتگو کرتے ہوئے مولانا فضل الرحمان نے کہا کہ ’آج میں چوہدری صاحب کے گھر حلوہ کھانے آیا ہوں،  اللہ کرے چوہدری صاحب نے شوگر فری حلوہ بنایا ہو‘۔

خیال رہے کہ گزشتہ روز پاکستان مسلم لیگ (ق) کے رہنما چوہدری شجاعت اور اسپیکر پنجاب اسمبلی پرویز الہٰی نے جمعیت علمائے اسلام (ف) کے سربراہ مولانا فضل الرحمان سے ان کی رہائش گاہ پر ملاقات کی تھی لیکن اس ملاقات میں کوئی بریک تھرو نہیں ہوا تھا۔

چوہدری شجاعت اور اسپیکر پنجاب اسمبلی پرویز الٰہی خصوصی طیارے پر گزشتہ روز اسلام آباد پہنچے تھے۔