06 نومبر ، 2019 
پاکستان
فائل فوٹو: وفاقی وزیر داخلہ اعجاز شاہ
حکومت نوازشریف کو بیرون ملک بھیجنے پر رضا مند
06 نومبر ، 2019
کراچی: وفاقی وزیر داخلہ اعجاز شاہ نے کہا ہے کہ میری ذاتی رائے ہے ڈاکٹرز نے نواز شریف کا بیرون ملک علاج ناگزیر قرار دیا تو راستہ نکل سکتا ہے۔
ایک انٹرویو میں انہوں نے کہا کہ آصف زرداری کا کیس بہت مضبو ط ہے اور ان کا فیصلہ بھی عدالت نے کرنا ہے، دھرنے کی سیاست ختم ہونی چاہیے۔
وزیر داخلہ کا کہنا تھا کہ چوہدری شجاعت کامولانا فضل الرحمٰن سے تعلقات ہیں، انشا اللّہ تعالیٰ حکومت اپنی مدت پوری کرے گی۔
اعجاز شاہ نے مزید کہا کہ ہمارے انڈیکٹرز بہت اچھے ہیں، ہم 28 درجے اوپر آگئے ہیں، اگر ہم نے ڈیلور کیا اور ساری صورتحال کنٹرول کرگئے تویہ پانچ سال اور اگلے پانچ سال بھی ہم ہی ہوں گے۔
