یاسر شاہ کے ہاتھوں آؤٹ ہونے کے بعد اسمتھ نے خود کو کیا سزا دی ؟

آسٹریلیا کے خلاف پہلے ٹیسٹ میں یاسر شاہ نے اسٹیون اسمتھ کو 4 رنز کے انفرادی اسکور پر بولڈ کیا اور انہوں نے وکٹ کا جشن منفرد انداز میں منایا۔

یاسر شاہ نے اسمتھ کی وکٹ حاصل کرنے کے بعد انگلیوں سے 7 کے ہندسے کا اشارہ کیا ۔

اس کی وجہ یہ ہے کہ یاسر شاہ نے آسٹریلیا کی بیٹنگ لائن میں ریڑھ کی ہڈی سمجھے جانے والے اور ٹیسٹ کرکٹ کی عالمی رینکنگ میں نمبر 1 بلے باز کو ٹیسٹ میں ساتویں مرتبہ آؤٹ کیا تھا۔

اپنے ایک حالیہ انٹرویو میں اسٹیون اسمتھ کا کہنا تھا کہ وہ اب یاسر شاہ کے خلاف مزید احتیاط کریں گے اور پوری کوشش کریں گے کہ کوئی غلطی نہ کریں۔

اسمتھ نے انکشاف کیا ہے کہ وہ برسبین ٹیسٹ میں 4 رنز پر وکٹ گنوانے کے بعد خود کو سزا دینے کے لیے اسٹیڈیم سے بس کے ذریعے ہوٹل جانے کے بجائے 3 کلومیٹر بھاگ کر ہوٹل پہنچے۔

برسبین ٹیسٹ میں پاکستان کو اننگز کی شکست سے بچنے کا چیلنج درپیش

پاکستان کے 240 رنز کے جواب میں آسٹریلیا نے اپنی پہلی اننگز میں 580 رنز بنائے، پاکستان کو پہلی اننگز کی سبقت ختم کرنے کیلئے مزید 276 رنز درکار

ان کا کہنا ہے کہ میں جب بھی بیٹنگ میں ناکام ہوتا ہوں تو خود کو سزا دیتا ہوں اور جب میں سنچری کرتا ہوں تو انعام کے طور پر رات کو چاکلیٹ کھاتا ہوں۔

واضح رہے کہ انگلینڈ کے فاٹ بولر اسٹیورٹ براڈ 24 ٹیسٹ میچوں میں اسمتھ کو 8 مرتبہ آؤٹ کرچکے ہیں جب کہ یاسر شاہ نے صرف 6 ٹیسٹ میچوں میں اسمتھ کو 7 مرتبہ آؤٹ کیا ہے۔