02 دسمبر ، 2019 
موڈیز کی رپورٹ ملکی معاشی استحکام میں حکومت کی کامیابی کی تائید ہے، حفیظ شیخ
02 دسمبر ، 2019
وزیراعظم پاکستان کے مشیر برائےخزانہ ڈاکٹر عبدالحفیظ شیخ کا کہنا ہے کہ موڈیز کی جانب سے پاکستان کا آؤٹ لُک (مستقبل کا منظر نامہ) منفی سے مستحکم کرنا ملک کے معاشی استحکام میں حکومت کی کامیابی کی تائید ہے۔
اپنے ایک بیان میں مشیر خزانہ حفیظ شیخ کا کہنا تھا کہ موڈیز کے اقدام نے طویل مدتی معاشی ترقی کے لیے مضبوط بنیاد رکھ دی ہے۔
واضح رہے کہ معیشتوں کی درجہ بندی کرنے والے ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم قرار دیا ہے۔
موڈیز کی جاری کردہ رپورٹ کے مطابق پاکستان کی ریٹنگ بی تھری پر برقرار رکھی ہے تاہم مستقبل کا منظر نامہ اب منفی نہیں بلکہ مثبت ہوگیا ہے۔
رپورٹ کے مطابق امریکی کاروباری اور مالیاتی کمپنی موڈیز نے ادائیگیوں کا توازن مزید بہتر ہونے کے پیشِ نظر آوٹ لُک بہتر کیا ہے۔
موڈیز کے مطابق اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔
مزید خبریں :
ملک میں فی تولہ سونےکی قیمت کتنی ہے؟
1 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
ملک میں سونا مزید سستا ہوگیا
20 دسمبر ، 2024
