پی ٹی آئی ارکان قومی اسمبلی کا اپنے وزراء کی کارکردگی پر عدم اطمینان کا اظہار

پاکستان تحریک انصاف (پی ٹی آئی) کے 2 ارکان قومی اسمبلی نے اپنی حکومت کے وزراء کی کارکردگی پر عدم اطمینان کا اظہار کردیا۔

جیو نیوز کے پروگرام کیپیٹل ٹاک میں اسلام آباد سے منتخب رکن قومی اسمبلی راجہ خرم شہزاد نے کہا کہ وفاقی دارالحکومت کے اداروں میں کرپشن بڑھ گئی ہے۔

ان کا کہنا تھا کہ ایوان میں لوگوں کے مسائل کی بات ہو تو اس سے بہتر کیا بات ہوسکتی ہے، ہم نے وزیراعظم عمران خان سے کہا ہےکہ ہمیں عوام کی سہولت کے لیے قانون سازی کرنی چاہیے۔

پارلیمانی پارٹی اجلاس میں وزیراعظم کی عدم شرکت، اندرونی کہانی سامنے آگئی

پی ٹی آئی کے ارکانِ قومی اسمبلی نے وزیراعظم کی اجلاس میں غیر موجودگی پر مایوسی کا اظہار کیا

پی ٹی آئی ایم این اے کا کہنا ہے کہ بدقسمتی سے پاکستان میں رشوت لوگ حق سمجھ کرلیتے ہیں، نیب بڑے بڑے مگرمچھوں کو پکڑتا ہے لیکن چھوٹی مچھلیوں پر ہاتھ نہیں ڈالتا۔

انہوں نے مزید کہا کہ ضلعی حکومتوں کو اپنی گورننس اچھی کرنی چاہیے، چیک اینڈ بیلنس حکومت کا کام ہے، ہم عوام کے مفاد کے لیے ہمیشہ آواز اٹھائیں گے۔

'ہمارے وزراء کابینہ میں کراچی کی نمائندگی نہیں کرتے'

تحریک انصاف کے کراچی سے منتخب رکن قومی اسمبلی عطاء اللہ خان کا کہنا تھا کہ مجھے نہیں پتا کہ ہمارے وزراء کابینہ میں کیا کرتے ہیں لیکن وہ کم ازکم کراچی کی نمائندگی نہیں کرتے۔

عطاءاللہ نے کہا کہ ہم نے ہمیشہ سچ بولا ہے اور سچ کا ساتھ دیاہے لیکن بدقسمتی سے کراچی میں انصاف ہوتا نظر نہیں آرہا۔

ان کا کہنا تھا کہ کراچی میں 7 گھنٹے کی لوڈ شیڈنگ ہوتی ہے اور باقی مینٹیننس کے نام پر بجلی غائب رہتی ہے، شہر میں 12 سے 16 گھنٹے کی لوڈ شیڈنگ ہوتی ہے۔

پی ٹی آئی رکن اسمبلی کا شہری پر تشدد، تحریک انصاف نے شوکاز نوٹس جاری کردیا

عمران خان بھی اس واقعے پر بہت افسردہ ہیں، پاکستان تحریک انصاف کی جانب سے متاثرہ شخص سے معذرت چاہتا ہوں، نامزد گورنر سندھ عمران اسماعیل

پی ٹی آئی رہنما نے مزید کہا کہ سمجھ نہیں آتی کہ بیورو کریسی کیوں لوگوں کو ریلیف نہیں دینا چاہتی، پارلیمانی اجلاس میں تمام مسائل سے وزیراعظم کو  آگاہ کرتے ہیں۔

'پارٹی رہنماؤں کو دل بڑا کرنا پڑے گا اور تنقید برداشت کرنی ہوگی'

پی ٹی آئی کے پشاور سے منتخب رکن قومی اسمبلی نور عالم خان نے کہا کہ کچھ اراکین کو وفاقی کی طرف سے فنڈز ملے ہیں، میرے حلقے میں پرویز خٹک کے دور میں شروع کیے گئے پروگرام اب ختم کردیے گئے ہیں۔

تحریک انصاف کے سینیئر رہنما نے کرپشن میں اضافے کا اعتراف کرلیا

یہ بات سب کو پتہ ہے کہ اس دور میں پٹواریوں کے ریٹ دگنے ہوگئے ہیں: پی ٹی آئی شمالی پنجاب کے جنرل سیکریٹری کا کارکنوں سے خطاب

ان کا کہنا تھا کہ پارٹی میں رہتے ہوئے عوام کے لیے آواز اٹھانا میرا جمہوری حق ہے، پارٹی لیڈرز کو دل بڑا کرنا پڑے گا اور تنقید برداشت کرنی ہوگی، پارٹی لیڈرز کو تنقید برائے اصلاح برادشت کرنی ہوگی۔

انہوں نے مزید کہا کہ ملک میں جمہوری سوچ رکھنے والے لوگ کم ہوگئے ہیں، بدقسمتی سے ملوث عناصر کو عدالتوں سے رعایت مل جاتی ہے۔

خیال رہے کہ پاکستان تحریک انصاف شمالی پنجاب کے جنرل سیکریٹری ڈاکٹر حسن مسعود ملک نے بھی صوبے میں کرپشن میں اضافے کا اعتراف کیا ہے۔