15 دسمبر ، 2019 
سگریٹ کے دھوئیں سے بچوں میں امراضِ قلب پھیلنے کا خطرہ
15 دسمبر ، 2019
تمباکو نوشی ناصرف صحت کے لیے خطرناک ہے بلکہ اس کا دھواں فضائی آلودگی کا باعث بھی بنتا ہے۔
لیکن! حال ہی میں سیگریٹ کے دھوئیں کے حوالے سے ماہرین کی جانب سے حیران کُن انکشاف کیا گیا ہے جسے جان کے آپ بھی پریشان ہو جائیں گے۔
یونیورسٹی آف مینیسوٹا کی جانب سے جنرل پیڈیاٹرک ریسرچ میں شائع ہونے والی حالیہ تحقیق کے مطابق سیگریٹ کے دھوئیں سے بچوں میں بھی امراضِ قلب بڑھنے کے امکانات دیکھنے میں آئے ہیں۔
ماہرین نے تحقیق میں 8 سے 18 سال کی عمر کے 298 ایسے بچوں کے الٹراساؤنڈ کیے جو تمباکو نوشی نہیں کرتے تھے۔
ماہرین نے بتایا کہ انہیں اس تحقیق کے بعد یہ معلوم ہوا کہ وہ بچے جو آس پاس سگریٹ کے دھوئیں کی موجودگی میں سانس لے رہے تھے ان کی ’ایبڈومینل ایورٹا‘ میں سختی پائی گئی۔
ماہرین نے تحقیق کے بعد یہ نتائج اخذ کیے کہ ایسے بچے جو سیگریٹ کے دھوئیں کی موجودگی میں سانس لے رہے ہیں ان کے دل کی رگوں (آرٹریز) کو نقصان پہنچتا ہے، اس نقصان سے بچنے کے لیے سگریٹ کے دھوئیں میں سانس لینے سے بچا جائے۔
یونیورسٹی آف مینیسوٹا کے اسسٹنٹ پروفیسر مچل ہاربن کا کہنا ہے کہ سیگریٹ کا دھواں بچوں کی دل کی رگوں کے لیے نقصان کا باعث بنتا ہے جو بعد میں دورانِ خون کو متاثر کر کے امراضِ قلب کی طرف بھی لے جا سکتا ہے۔
مزید خبریں :
شادی سے صحت کو ہونے والے بہترین فائدے کا انکشاف
9 گھنٹے پہلے
ہارٹ اٹیک اور ذیابیطس جیسے امراض سے بچانے کیلئے بہترین غذا
03 نومبر ، 2024
دودھ کو ابال کر نہ پینےکے کیا نقصانات ہیں؟
03 نومبر ، 2024
موسم سرما میں قوت مدافعت کو بڑھانے والی غذائیں
02 نومبر ، 2024
ملک میں پولیو وائرس کے مزید 2 کیسز سامنے آگئے، تعداد 45 ہوگئی
02 نومبر ، 2024
خراٹوں سے دماغی تنزلی کا خطرہ بڑھتا ہے، تحقیق
01 نومبر ، 2024
جگر کو نقصان پہنچنے کی 5 سب سے بڑی ابتدائی نشانیاں
01 نومبر ، 2024
