Can't connect right now! retry

انٹرٹینمنٹ
27 دسمبر ، 2019

اقراء اور یاسر کی مہندی پر سجل اور احد توجہ کا مرکز

اقراء عزیز اور  یاسر حسین کی مہندی پر  مداحوں کی پسندیدہ ترین جوڑی اداکارہ سجل علی اور احد رضا میر نے شرکت کر کے تقریب کو چار چاند لگا دیئے۔

مہندی کی تقریب پر جہاں اقراء عزیز اور یاسر حسین کے چرچے ہو رہے ہیں، وہیں اداکارہ سجل علی اور احد رضا میر بھی سب کی توجہ کا مرکز بنے ہوئے ہیں۔

فوٹو: بشکریہ انسٹاگرام

سجل علی نے اقراء عزیز اور یاسر حسین کی مہندی کی تقریب پر خوبصورت ساڑھی پہنی ہوئی تھی جب کہ احد نے کالا کرتا زیب تن کیے کندھوں پر شال ڈال رکھی تھی۔

فوٹو: بشکریہ انسٹاگرام

اداکارہ اقراء عزیز اور  یاسر حسین کی شادی کی تقریبات کا باقاعدہ آغاز چند روز قبل مایوں کی رسم سے  ہوا تھا۔

گزشتہ روز کامیڈین یاسر حسین کے گھر پر اداکار جوڑی کی مہندی کی رسم منعقد کی گئی۔ اس موقع پر یاسر حسین اور اقراء عزیز نے زبردست ڈانس کر کے سب کو محظوظ بھی کیا۔

اداکارہ اقراء عزیز نے یاسر حسین کے ساتھ ڈانس کیا جو سوشل میڈیا پر خوب وائرل ہو رہا ہے جب کہ تقریب میں موجود دیگر شوبز شخصیات نے بھی ڈانس کیا۔

فوٹو: بشکریہ انسٹاگرام

اقراء عزیز اور یاسر حسین کی مہندی کی تقریب میں اداکارہ نے ڈیزائنر فائزہ سقلین کی ڈیزائن کردہ پیلے رنگ کی کام والی خوبصورت فراک  پہن رکھی تھی اور ساتھ ہی انہوں نے بالوں میں سفید پھلوں سے بنا گجرا اور ہاتھوں میں مہندی بھی لگا رکھی تھی۔

فوٹو: بشکریہ انسٹاگرام

دوسری جانب مہندی کی تقریب میں یاسر حسین نے سفید رنگ کا کرتا پاجاما پہن رکھا تھا اور ساتھ ہی کالے رنگ کی شال بھی اوڑھ رکھی تھی۔

مہندی کی تقریب کے موقع پر  پاکستان شوبز انڈسٹری کی معروف شخصیات نے شرکت کر کے تقریب کی رونقیں بڑھا دیں۔

مہندی میں  زارا نور عباس، اسد صدیقی، ایمن خان، منال خان ، منیب بٹ، کُبریٰ خان، مومل شیخ، شہزاد شیخ، سجل علی، احد رضا میر، عاصم اظہر، ہانیہ عامر اور دیگر فنکاروں نے شرکت کی۔

فوٹو: بشکریہ انسٹاگرام

اداکار  یاسر نے اپنی مہندی کی تقریب کے موقع پر خوبصورت کیک بھی تیار کروایا جس کی تصویر انہوں نے اپنی انسٹاگرام اسٹوری پر مداحوں سے شیئر کی۔

فوٹو: بشکریہ انسٹاگرام

مہندی پر کاٹے جانے والے منفرد کیک پر اقراء اور یاسر کی اینیمیٹد تصویر بنی ہوئی ہے۔

فوٹو شئیرنگ ایپ انسٹاگرام پر ’اقراء یاسر دا ویاہ‘ ہیش ٹیگ خوب مقبول ہو رہا ہے اور ان کی مہندی کی تصاویر اور ویڈیوز کو بے حد بھی پسند کیا جا رہا ہے۔

یاد رہے کہ لکس اسٹائل ایوارڈ 2019 کے دوران ستاروں کی جھرمٹ میں اداکار یاسر حسین نے اقراء عزیز کو شادی کی پیشکش کی تھی جس پر اداکارہ نے بھی ہاں کر دی تھی جب کہ دونوں رواں ماہ 28 دسمبر کو شادی کے بندھن میں بندھ جائیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM