31 دسمبر ، 2019 
بجلی اور پیٹرول کے بعد ایل پی جی کا گھریلو سلنڈر بھی 277 روپے مہنگا
31 دسمبر ، 2019
پیٹرول اور بجلی کے بعد ایل پی جی کا گھریلو سلنڈر بھی 277 روپے 79 پیسے مہنگا کردیا گیا۔
آئل اینڈ گیس ریلگولیٹری اتھارٹی (اوگرا) نوٹیفکیشن کے مطابق فی کلو ایل پی جی 23 روپے 55 پیسے مہنگی کردی گئی جس کے بعد قیمت 128 روپے 27 پیسے سے بڑھ کر 151 روپے 82 پیسے ہوگئی۔
ایل پی جی کا گھریلو سلنڈر 277 روپے 79 پیسے مہنگا کردیا گیا جس کے بعد 11.8کلو کا گھریلو سلنڈر 1791 روپے 48 پیسے کا ہوگیا۔
نوٹیفکیشن کے مطابق ایل پی جی کی نئی قیمت کا اطلاق یکم جنوری سے ہوگا۔
خیال رہے کہ حکومت نے سال نوپر پیٹرولیم مصنوعات کی قیمتوں میں بھی اضافہ کیا ہے اور وزارت خزانہ کی جانب سے جاری نوٹیفکیشن کے مطابق پیٹرول کی قیمت میں 2 روپے 61 پیسے فی لیٹر اضافہ کیا گیا ہے جس کے بعد اس کی نئی قیمت 116 روپے 60 پیسے فی لیٹر ہوگئی ہے۔
اس سے قبل آج ہی کے روز نیشنل الیکٹرک پاور ریلگولیٹری اتھارٹی (نیپرا) نے کے الیکٹرک کے صارفین کیلئے فی یونٹ بجلی 4 روپے 90 پیسے مہنگی کرنے کی منظوری دی ہے۔
اس اضافے کے ساتھ کے الیکٹر ک صارفین کے لیے فی یونٹ بجلی کی اوسط قیمت 17 روپے 69 پیسے مقرر کرنے کی منظوری دی گئی۔
مزید خبریں :
روپےکے مقابلے میں ڈالر کی قدر میں اضافہ ہوگیا
2 گھنٹے پہلے
سونے کی قیمت میں اضافے کے بعد دوبارہ کمی ہوگئی
1 گھنٹے پہلے
نیپرا نے کراچی والوں کیلئے بجلی مزید مہنگی کردی
6 گھنٹے پہلے
انٹربینک میں ڈالر کی قدر میں معمولی اضافہ
04 نومبر ، 2024
ملک میں سونےکی قیمت میں اضافہ ہوگیا
04 نومبر ، 2024
پی ایس ایکس 100 انڈیکس نے 92 ہزار کی نئی تاریخی حد کو چھو لیا
04 نومبر ، 2024
