07 جنوری ، 2020 
پاکستان
انکوائری میں تمام الزامات سچ ثابت ہونے پر کمیٹی نے پروفیسر واصف نعمان کو برطرف کرنے کی سفارش کی تھی: ترجمان یونیورسٹی— فوٹو: فائل
بہاء الدین زکریا یونیورسٹی میں معذور طالبہ کو ہراساں کرنے والا پروفیسر برطرف
07 جنوری ، 2020
ملتان کی بہاء الدین زکریا یونیورسٹی میں معذور طالبہ کو ہراساں کرنے کے کیس میں انکوائری کے بعد پروفیسر واصف نعمان کو برطرف کردیا گیا۔
ترجمان بہاء الدین زکریا یونیورسٹی کے مطابق چند ماہ قبل یونیورسٹی کی ایک معذور طالبہ نے پروفیسر واصف نعمان پر ہراساں کرنے اور ویڈیوز بنا کر بلیک میل کرنے کا الزام عائد کیا تھا۔
ترجمان نے بتایا کہ طالبہ کے الزام پر یونیورسٹی انتظامیہ کی جانب سے ایک انکوائری کمیٹی بنائی گئی تھی جس نے انکوائری میں تمام الزامات سچ ثابت ہونے پر پروفیسر واصف نعمان کو برطرف کرنے کی سفارش کی تھی۔
ترجمان کے مطابق انکوائری رپورٹ کی روشنی میں رجسٹرار زکریا یونیورسٹی صہیب راشد نے پروفیسر واصف نعمان کی برطرفی کا نوٹیفکیشن جاری کردیا۔
مزید خبریں :
سندھ حکومت نے 5 فروری کو عام تعطیل کا اعلان کردیا
2 گھنٹے پہلے
کراچی میں کل سے سردی کی شدت میں اضافے کا امکان
4 گھنٹے پہلے
