16 جنوری ، 2020 
پاکستان
تھرپارکر میں واں ماہ غذائی کمی اور دیگرا مراض سے 30 بچے لقمہ اجل بن گئے—فوٹو فائل
تھرپارکر میں غذائی قلت اور دیگر امراض سے مزید تین بچے انتقال کر گئے
16 جنوری ، 2020
تھرپارکرمیں غذائیت کی کمی اور دیگر امراض کے باعث سرکاری اسپتالوں میں ایک ماہ کے دوران 30 بچے انتقال کر گئے۔
ذرائع محکمہ صحت کے مطابق تھرپارکر میں غذائی قلت اور دیگر امراض کے باعث مزید 3 بچے انتقال کر گئے۔
ذرائع کا بتانا ہے کہ رواں ماہ غذائی کمی اور دیگرا مراض سے اب تک 30 بچوں کا انتقال ہو چکا ہے۔
خیال رہے کہ سندھ کے ضلع تھر پارکر میں خوراک اور پانی کی کمی کے باعث رہائشیوں کو شدید مشکلات کا سامنا رہتا ہے۔
صحت کی سہولیات میں کمی کے باعث تھر پارکر کے دور افتادہ علاقوں میں کمسن بچے اکثر غذائیت کی کمی اور جان لیوا بیماریوں کا شکار ہو کر جاں بحق ہو جاتے ہیں۔
