24 جنوری ، 2020 
کراچی والوں کو اب گھر بیٹھے سرکاری قیمت پر پھل اور سبزیاں ملیں گی
24 جنوری ، 2020
کراچی والوں کو اب گھربیٹھے سرکاری نرخ پر پھل اور سبزیاں ملیں گی۔
بڑے سپر اسٹورز پر سبزی اور پھلوں کی فروخت کے بعد اب گھروں تک آن لائن سبزی و فروٹ کی ترسیل موبائل ایپ کے ذریعے سرکاری قیمت پر کی جائے گی۔
کمشنر کراچی افتخار شالوانی نے مہنگائی کے خلاف نئی حکمت عملی کے تحت سبزی و فروٹ کی قیمتوں کو کنٹرول کرنے اور عوام کو مناسب داموں پر گھروں تک سبزی وفروٹ کی فراہمی کی منصوبہ بندی کی ہے جس کے لیے کمشنر آفس سے نجی شعبے کی کمپنیوں سے 6 فروری تک پیشکشیں طلب کرلی ہیں۔
ذرائع کے مطابق گزشتہ چند روز قبل کمشنر کراچی نے اپنے دفتر میں مہنگائی کو کنٹرول کرنے کے لیے نئی حکمت عملی بنانے پر اجلاس منعقد کیا تھا، اجلاس میں مارکیٹ کمیٹی کےچیئرمین علی احمد جوکھیو ، وائس چیئر مین محمد آصف اور کئی ڈیجیٹل ایپ کمپنیوں کے نمائندوں نے شرکت کی تھی۔
اجلاس میں اتفاق رائے سے یہ بات طے کی گئی کہ عوام کو بہترین اور کم قیمت پر گھر تک سبزیوں و فروٹ کی فراہمی کی فراہمی کیلئے موبائل ایپ متعارف کرائی جائے گی تاکہ مہنگائی کا مقابلہ کیا جاسکے ۔
مزید خبریں :
انٹربینک میں روپے کے مقابلے ڈالر کی قدر میں اضافہ
2 گھنٹے پہلے
حکومت کا ایل این جی درآمد نہ کرنیکا فیصلہ
10 گھنٹے پہلے
ملکی معیشت پر کاروباری طبقے کا اعتماد بڑھ رہا ہے: وزیر خزانہ
19 دسمبر ، 2024
روپے کی قدر میں اضافہ، ڈالر سستا ہوگیا
18 دسمبر ، 2024
