30 جنوری ، 2020 
گوگل نے چین میں اپنا دفتر بند کر دیا
30 جنوری ، 2020
چین میں پھیلے پُراسرا کورونا وائرس کے پیشِ نظر معروف سرچ انجن کمپنی گوگل نے بیجنگ میں موجود اپنا دفتر عارضی طور پر بند کر دیا۔
گوگل ترجمان کے مطابق چینی حکومت کی ہدایت پر چین کے ساتھ ساتھ ہانگ کانگ اور تائیوان میں بھی اپنے تمام دفاتر بند کر رہے ہیں۔
اس کے علاوہ گوگل نے چین میں موجود ملازمین کو فوری طور پر ملک چھوڑنے کی ہدایت کرتے ہوئے کہا ہے کہ دو ہفتوں تک اپنے گھروں سے بیٹھ کر فرائض انجام دیں۔
چین نے بھی کورونا وائرس کے پیشِ نظر سال نو کی چھٹیاں بڑھا دی ہیں اور چینی حکومت نے عوام کو گھروں میں رہنے اور غیر ضروری سفر نہ کرنے کی ہدایت کی ہے۔
چین کو معاشی نقصان
پُراسرا کورونا وائرس نے جہاں چین میں موجود لوگوں کی زندگیوں کو بُری طرح متاثر کیا ہے وہیں چین کو معاشی طور پر بھی بے حد نقصان پہنچایا ہے۔
چین میں دنیا کی سب سے بڑی انٹرنیٹ مارکیٹ اور چین دنیا کا سب سے بڑا صنعتی مرکز ہے۔ چین میں پُراثرار وائرس کی وجہ سے دنیا کے تقریباً تمام تر صنعت کاروں اور دیگر عالمی کمپنیوں نے چین میں موجود اپنے دفاتر عارضی طور پر بند کر دیئے ہیں جس کی وجہ سے چین معاشی طور پر بُری طرح متاثر ہو رہا ہے۔
واضح رہے کی چین میں پھیلے وائرس سے اب تک 7 ہزار سے زائد افراد متاثر 170 سے زائد ہلاک ہو چکے ہیں۔
