Can't connect right now! retry

پاکستان
22 فروری ، 2020

یوٹیلٹی اسٹورز پر وزیراعظم کے ریلیف پیکج میں فراڈ کا انکشاف

وزیراعظم عمران خان کے ریلیف پیکج کے تحت رحیم یار خان کے یوٹیلٹی اسٹورز میں فراڈ کا انکشاف ہوا ہے۔

ذرائع کے مطابق وزیراعظم ریلیف پیکج کے تحت رحیم یار خان کے عوام کو آٹے کی قیمت میں ریلیف سے محروم کر دیا گیا ہے، اس فراڈ میں یوٹیلٹی اسٹورز کے کچھ افسران اور فلور ملز کے لوگ شامل ہیں۔

ذرائع کا بتانا ہے کہ رحیم یار خان ریجن میں آٹے کے سیکڑوں تھیلے بلیک میں فروخت کردیئے گئے  اور ان کو یوٹیلٹی اسٹورز کے رجسٹر میں آٹے کی جعلی فروخت ظاہر کر کے فراڈ کیا گیا۔

اس حوالے سے ایم ڈی یوٹیلٹی اسٹورز عمر لودھی نے جیو نیوز کو بتایا کہ رحیم یار خان ریجن میں آٹے کی فروخت میں گھپلوں کی شکایت موصول ہوئی ہیں، معاملے کی انکوائری کا حکم دے دیا ہے اور زونل مینیجر سکھر کی سربراہی میں انکوائری شروع کروا دی ہے۔

انہوں نے کہا کہ انکوائری رپورٹ 24 گھنٹوں میں موصول ہو جائے گی اور اس معاملے میں ملوث ملازمین کو معطل کیا جائے گا۔

واضح رہے کہ گزشتہ ماہ وزیراعظم نے مہنگائی کے ستائے عوام کے لیے ریلیف پیکج لانے کا فیصلہ کیا تھا۔

 جب کہ رواں ماہ وزیراعظم نے ملک بھر میں یوٹیلٹی اسٹورز پر  7 ارب روپے کا  پیکج  اعلان کیا تھا اور اس کے ساتھ ساتھ 5 ماہ تک 2 ارب روپے ماہانہ اور مجموعی طور پر 10 ارب روپے کے پیکجز کا اعلان کیا تھا۔

ان پیکجز کے تحت یوٹیلٹی اسٹورز پر آٹا، گھی، دالیں، چینی اور چاول مارکیٹ سے 10 سے 25 فیصد کم ریٹ پر فروخت ہونے کا اعلان کیا گیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM