25 فروری ، 2020 
دنیا کا معمر ترین شخص چل بسا
25 فروری ، 2020
معمر ترین شخص کا اعزاز حاصل کرنے والے جاپانی شہری 112 سال کی عمر میں چل بسے۔
امریکی نیوز ایجنسی ایسوسی ایٹڈ پریس کے مطابق گنیز ورلڈ ریکارڈز نے جاپان کے معمر ترین شخص چیٹیسو واتانابے کو رواں ماہ 12 فروری کو دنیا کا سب سے بوڑھا شخص ہونے پر سرٹیفکیٹ دیا تھا۔
گنیز بک آف ورلڈ ریکارڈ اور ان کی تدفین کا بندوبست کرنے والے ادارے نے تصدیق کی ہے کہ واتانابے اب اس دنیا میں نہیں رہے البتہ ان کی موت کی کوئی وجہ نہیں بتائی گئی۔
جاپانی اخبار کی رپورٹ کے مطابق گھر والوں کا کہنا تھا کہ موت سے کچھ روز قبل واتانابے کھانے پینے کے بالکل بھی قابل نہیں رہے تھے، اس کے علاوہ اُنھیں بخار اور دو دن سے سانس لینے میں دشواری کا بھی سامنا تھا۔
اخبار کے مطابق واتانابے کے پانچ بچے، 12 پوتے پوتیاں، 16 پر پوتے جبکہ ایک پر پوتے کا بیٹا بھی ہے۔
واتانابے 1907 میں پیدا ہوئے اور 18 سال انھوں نے تائیوان میں کام کیا۔ اس کے بعد جاپان کے شہر نگاتا واپس آکر ریٹائر ہونے تک سرکاری ملازمت کی۔
اپنے ایک انٹرویو میں واتانابے نے کہا تھا کہ ان کی طویل عمری کا راز ہر وقت مسکراتے رہنے میں ہے۔
مزید خبریں :
نومبر کن 2 ستاروں کیلئے خوش قسمت رہے گا؟ پیشگوئی سامنے آگئی
04 نومبر ، 2024
سعودی عرب میں 4 ہزار سال قدیم قصبے کی دریافت
03 نومبر ، 2024
ہمیشہ جوان رہنے کی کوشش کرنیوالے ارب پتی کی غذا کیا ہے؟
03 نومبر ، 2024
ایک پاؤ آلو چوری ہونے پر شہری نے رات 4 بجے پولیس بلالی
03 نومبر ، 2024
ایک ٹن سے زیادہ وزنی دنیا کا سب سے بڑا مگرمچھ مرگیا
03 نومبر ، 2024
معذور ماں کو کمر پر لاد کر چین بھر میں گھمانے والا شخص
01 نومبر ، 2024
