بھارت نے ایشیا کپ کے پاکستان میں انعقاد کی مخالفت کردی

بورڈ آف کنٹرول فار کرکٹ ان انڈیا (بی سی سی آئی) کے صدر سارو گنگولی نے ایشین کرکٹ کونسل کے سربراہ اجلاس سے قبل ہی پاکستان کی میزبانی میں ہونے والے ایشیا کپ کی مخالفت کردی۔

ایڈن گارڈن کولکتہ میں دبئی روانگی سے قبل میڈیا سے گفتگو میں ساروو گنگولی نے کہا کہ ایشیا کپ 2020 پاکستان میں نہیں ہوگا بلکہ متحدہ عرب امارات کا شہر دبئی ٹورنامنٹ کی میزبان کرے گا۔

ایشیا کپ کی میزبانی پاکستان کرے گا یا نہیں؟ فیصلہ 3 مارچ کو ہوگا

پاکستان میں ایشیا کپ نہ ہونے کی صورت میں متحدہ عرب امارات مضبوط امیدوار ہے

انہوں نے کہا کہ پاکستان اور بھارت کے ایشیا کپ ٹورنامنٹ میں کھیلنے کی راہ ہموار اسی وقت ہوگی جب میزبانی دبئی کرے گا۔

خیال رہے کہ رواں سال ستمبر میں ایشیا کپ شیڈول ہے جس کی میزبانی پاکستان نے کرنی ہے تاہم بھارتی کرکٹ بورڈ کی جانب سے مسلسل پاکستان میں نہ کھیلنے کے بہانے بنائے جارہے ہیں۔

دوسری جانب ‏ایشین کرکٹ کونسل (اے سی سی) کا اہم اجلاس 3 مارچ کو دبئی میں ہوگا جس میں ایشیا کپ 2020 کی میزبانی کے حوالے سے اہم فیصلہ کیا جائے گا۔

پاکستان میں ایشیا کپ نہ ہونے کی صورت میں متحدہ عرب امارات مضبوط امیدوار ہے۔