مشفیق الرحیم نے دورہ پاکستان کو انا کا مسئلہ بنا لیا

بنگلا دیشی کرکٹ ٹیم کے وکٹ کیپر بلے باز مشفیق الرحیم نے دورہ پاکستان کو اپنی انا کا مسئلہ بنا لیا۔

پاکستان اور بنگلا دیش کے درمیان جنوری میں تین ٹی ٹوئنٹی میچوں پر مشتمل سیریز کھیلی گئی تھی جو پاکستان نے دو صفر سے جیت لی تھی جب کہ فروری میں آئی سی سی ٹیسٹ چیمپئن شپ کا پہلا میچ کھیلا گیا تھا جس میں پاکستان نے مہمان ٹیم کو ایک اننگز اور 44 رنز سے شکست دی تھی۔

پاکستان کے ہاتھوں بنگلا دیش کی شکست میں تجربہ کار مشفیق الرحیم کی کمی شدت سے محسوس کی گئی تھی۔

دونوں ٹیموں کے درمیان ایک ون ڈے اور دو ٹیسٹ میچوں پر مشتمل سیریز کا دوسرا میچ اپریل میں کھیلا جانا ہے۔

مشفیق الرحیم پاکستان نہ جانے کے فیصلے پر نظر ثانی کریں، بنگلادیشی بورڈ

اہلِ خانہ ہر کسی کے لیے اہم ہوتے ہیں لیکن ملک اس سے بھی زیادہ اہم ہوتا ہے، امید ہے کہ وہ پاکستان جائیں گے، صدر بی سی بی نظم الحسن

بنگلا دیشی کرکٹ بورڈ کے سربراہ نظم الحسن نے اس حوالے سے کہا تھا کہ مشفیق الرحیم کو پاکستان نہ جانے کے اپنے فیصلے پر نظرثانی کرنی چاہیے۔

ان کا مزید کہنا تھا کہ اہلخانہ ہر کسی کے لیے اہم ہوتے ہیں لیکن جس کھلاڑی نے کرکٹ بورڈ کے ساتھ کنٹریکٹ کیا ہے اسے جانا چاہیے کیونکہ ملک اہلخانہ سے زیادہ اہم ہے۔

تاہم مشفیق الرحیم پاکستان نہ جانے کے اپنے فیصلے پر اڑے ہوئے ہیں اور اپنے ایک انٹرویو میں ان کا کہنا ہے کہ میں اپنا فیصلہ واضح طور پر بتا چکا ہوں اور بنگلا دیشی کرکٹ بورڈ اسے قبول بھی کر چکا ہے۔

پنڈی ٹیسٹ میں پاکستان نے بنگلا دیش کو اننگز اور 44 رنز سے شکست دیدی

بنگلا دیشی ٹیم پہلی اننگز میں 233 پر آؤٹ ہو گئی تھی جس کے جواب میں پاکستان نے پہلی اننگز میں 445 رنز بنائے تھے، دوسری اننگز میں بنگال ٹائیگرز 168 رنز پر ڈھیر ہو گئے

مشفیق الرحیم کا مزید کہنا تھا کہ کرکٹ بورڈ کے حکام کو اتنا احترام کرنا چاہیے تھا کہ میرا نام پی ایس ایل ڈرافٹ کے لیے نہیں بھیجنا چاہیے تھا۔

ان کا کہنا تھا کہ جو کھلاڑی پاکستان جا رہے ہیں ان کے لیے نیک خواہشات ہیں لیکن میں پاکستان جانے کے حوالے سے اپنا فیصلہ تبدیل نہیں کروں گا۔