04 مارچ ، 2020 
اٹلی میں کورونا وائرس سے ہلاکتیں 100 سے تجاوز کرگئیں
04 مارچ ، 2020
یورپی ملک اٹلی میں کورونا وائرس سے مزید 28 افراد ہلاک ہوگئے جس کے بعد تعداد 100 سے تجاوز کرگئی۔
اٹلی کے سول پروٹیکشن ایجنسی کے مطابق گزشتہ 24 گھنٹوں کے دوران مزید 587 افراد میں کورونا وائرس کی تشخیص ہوئی ہے جس کے بعد مجموعی تعداد 3 ہزار 89 تک جاپہنچی ہے۔
ایجنسی کا کہنا ہے کہ کورونا وائرس سے مزید 28 افراد ہلاک ہوئے ہیں جس کے ساتھ ہی مرنے والوں کی تعداد 107 ہوگئی ہے۔
حکام کے مطابق اٹلی میں اب تک کورونا وائرس سے متاثرہ 276 افراد صحتیاب ہوچکے ہیں۔
تعلیمی ادارے 15 مارچ تک بند
اٹلی میں ہلاکتوں اور نئے کیسز کی تصدیق کے بعد ملک بھر کے تعلیمی ادارے 15 مارچ تک بند کردیے گئے ہیں۔
وزیر تعلیم کا تعلیمی ادارے بند کرنے کے فیصلے پر کہنا تھا کہ حکومت کے لیے یہ فیصلہ مشکل تھا۔
اٹلی میں ہیلتھ ایڈوائرزری جاری ہونے کا امکان
دوسری جانب اطالوی حکومت کی جانب سے ہیلتھ ایڈوائرزی جاری کرنے کا امکان ہے جس میں عوام سے اگلے 30 دن تک طرزِ زندگی میں تبدیلی کا کہا جائے گا۔
ایڈوائزری میں عوام سے گلے ملنے، ہاتھ ملانے اور بڑے اجتماعات سے دور رہنے کا کہا جائے گا۔
یاد رہے کہ چین کے شہر ووہان سے پھیلنے والے مہلک کورونا وائرس سے چین میں اب تک 2981 افراد ہلاک ہوچکے ہیں جبکہ متاثرہ افراد کی تعداد 80 ہزار 282 ہے جس میں سے 50 ہزار افراد صحتیاب ہوچکے ہیں۔
چین کے علاوہ کورونا وائرس 60 سے زائد ممالک میں پھیل چکا ہے جہاں اب تک 240 افراد زندگی کی بازی ہار چکے ہیں جبکہ سب سے زیادہ ہلاکتیں ایران، اٹلی اور جنوبی کوریا میں ہوئی ہیں۔
مزید خبریں :
بھارتی فضائیہ کا جنگی طیارہ دوران پرواز گرکر تباہ
04 نومبر ، 2024
