کھیل
Time 11 مارچ ، 2020

پی ایس ایل : عامر یامین ہیمسٹرنگ انجری کے باعث باہر، وقاص مسعود کو موقع مل گیا

کراچی کنگز نے عامر یامین کی جگہ بائیں ہاتھ کے فاسٹ بولر وقاص مقصود کو اسکواڈ میں شامل کرلیا— فوٹو: فائل

آل راؤنڈر عامر یامین ہیمسٹرنگ انجری کے باعث پاکستان سپر لیگ (پی ایس ایل) سے باہر ہوگئے، کراچی کنگز نے ان کی جگہ بائیں ہاتھ کے فاسٹ بولر وقاص مقصود کو اسکواڈ میں شامل کرلیا۔

انجری کا شکار29 سالہ عامر یامین کے ایم آر آئی اسکین کا جائزہ لینے کے بعد ڈاکٹر سہیل سلیم نے انہیں آرام کا مشورہ دیا ہے۔

پی ایس ایل 2020 میں آل راؤنڈر عامر یامین نے کراچی کنگز کی جانب سے تین میچوں میں تین وکٹیں حاصل کی تھیں تاہم اس دوران وہ کسی بھی میچ میں بیٹنگ نہیں کرسکے تھے۔

متبادل کھلاڑی کی حیثیت سے32 سالہ وقاص مقصود کے نام کی منظوری ایونٹ کی ٹیکنیکل کمیٹی نے دی۔ کمیٹی میں پی سی بی کے چیف ایگزیکٹو آفیسر وسیم خان، بازید خان، مرینہ اقبال، سمیر کھوسہ اور ڈاکٹر سہیل سلیم شامل ہیں۔

سلور کٹیگری میں شامل وقاص مقصود اس سے قبل ایچ بی ایل پی ایس ایل 2019 میں اسلام آباد یونائیٹڈ کی نمائندگی کر چکے ہیں۔ انہوں نے ایونٹ میں 2 میچز کھیلے تھے۔

مزید خبریں :